அனுமதிபத்திரத்தை மீறி மாடுகளை ஏற்றிச்சென்ற வாகன சாரதி ஒருவர் கைது!

திருகோணமலை – மொரவெவ பொலிஸ் பிரிவுக்கு உட்பட்ட எத்தாபெந்திவெவ பகுதியில் அனுமதிப்பத்திர சட்ட விதிமுறைகளை மீறி மாடுகளை ஏற்றிச் சென்ற கனரக வாகன சாரதி கைது செய்யப்பட்டுள்ளதாக பொலிஸார் தெரிவித்துள்ளனர்.

இன்று (02) அதிகாலை 4.50 மணியளவில் கைது செய்யப்பட்டதாக பொலிஸார் கூறியுள்ளனர்.

விமானப்படையினரின் தகவலுக்கு அமைவாக மொரவெவ பொலிஸ் விசேட குற்றத்தடுப்பு பிரிவினருக்குக் கிடைக்கப்பெற்ற தகவலையடுத்து சாரதி உட்பட 23 மாடுகள் கைப்பற்றியதாகவும் பொலிஸார் குறிப்பிட்டுள்ளனர்.

அனுமதிப் பத்திரத்தில் குறிப்பிடப்பட்டுள்ள விடயங்களைப் பின்பற்றாமல் மாடுகளைக் குறிப்பிட்ட நேரத்துக்கு முன்னதாக ஏற்றிச் சென்றபோது கைது செய்ததாகவும் கைது செய்யப்பட்ட குறித்த சந்தேக நபரைத் திருகோணமலை நீதிமன்றில் முன்னிறுத்த நடவடிக்கை எடுத்துள்ளதாகவும் மொரவெவ பொலிஸார் தெரிவித்துள்ளமை குறிப்பிடத்தக்கதாகும்.