கொழும்பு காலிமுகத்திடல் போராட்டத்திற்கு மேலும் வலு சேர்க்கும் வகையில், இன்றைய தினம் காலை 9.30 மணிக்கு தலவாக்கலை நகரில் இருந்து, சசிகுமார் என்ற தனி மனிதர் நடை பயணத்தை ஆரம்பித்துள்ளார்.
இந்த தனிமனித நடைபயணமானது, காலிமுகத்திடலில் நடை பெற்றுக்கொண்டிருக்கும் போராட்டத்தில் இணைந்து கொள்வதற்காக என்றும் இன்னும் மூன்று நாள்களில் தான் கொழும்பை சென்றடைவேன் என்றும் அவர் தெரிவித்துள்ளார்.
இன்று காலை தலவாக்கலை நகர மத்தியில் ஆரம்பித்த இந்த போராட்டத்தில் தலவாக்கலை லிந்துலை நகர சபையின் முன்னாள் தலைவர் மற்றும் தலவாக்கலை லிந்துலை நகர சபையின் தற்போதைய உறுப்பினரும் மலையக மக்கள் முன்னணியின் மத்திய குழு உறுப்பினருமான தாளமுத்து சுதாகரன் உள்ளிட்ட பலர் கலந்து கொண்டனர்.
இதன்போது அவருடன் நகர மக்களும் உடனிருந்தனர். மாலை அணிவித்து, ஆசி வழங்கி அவரின் போராட்டம் வெற்றிப்பெற வாழ்த்துக்களையும் தெரிவித்தனர்.
