தமிழ்நாட்டிலிருந்து 11 வீரர்-வீராங்கனைகள் இந்த போட்டிகளில் கலந்து கொண்டனர்.
தேசிய கராத்தே சாம்பியன்ஷிப் போட்டி பஞ்சாப்பில் 3 நாட்கள் நடைபெற்றது. இதில் தமிழ்நாடு, கர்நாடகா, மராட்டியம், பீகார், அசாம், மேற்கு வங்காளம், பஞ்சாப், தெலுங்கானா உள்ளிட்ட பல்வேறு மாநிலங்களை சேர்ந்த 500-க்கும் மேற்பட்ட வீரர்-வீராங்கனைகள் கலந்து கொண்டனர்.
தமிழ்நாட்டிலிருந்து கராத்தே மாஸ்டர் ராஜசேகர் தலைமையில் 11 வீரர்-வீராங்கனைகள் இந்த போட்டிகளில் கலந்து கொண்டனர். தமிழக வீரர்கள் கட்டா, குமித்தே, டிம்கட்டா பிரிவுகளில் பங்கேற்றனர்.
இந்த போட்டிகளின் முடிவில் தமிழக அணி 11 தங்கம், 7 வெள்ளி, 6 வெண்கலம் என மொத்தம் 24 பதக்கங்களை தட்டிச் சென்றனர். பதக்கம் வென்று திருச்சி திரும்பிய வீரர்-வீராங்கனைகளுக்கு ரெயில் நிலையத்தில் உற்சாக வரவேற்பு அளிக்கப்பட்டது.
