நிக்கவரெட்டியவிலிருந்து – ரஸ்நாயக்கபுரம் நோக்கி பயணித்த பஸ்ஸில் பயணம் செய்த , யுவதி ஒருவரை துஷ்பிரயோகத்திலிருந்து காப்பாற்றிய பஸ் நடத்துனரை, இருவர் தாக்கிய நிலையில் பாதிக்கப்பட்ட நபர் நிக்கவரட்டிய வைத்தியசாலையில் அனுமதிக்கப்பட்டுள்ளார்.
நிக்கவரெட்டிய இ.போ.ச டிப்போவை சேர்ந்த குறித்த பஸ், இரவு 7 மணிக்கு ரஸ்நாயக்கபுரயை நோக்கிச் சென்றுள்ளது.
உடஹேனகம பிரதேசத்தில் வைத்து நடத்துனர் மீது தாக்குதல் நடத்தப்பட்ட நிலையில் டிக்கெட் இயந்திரத்திற்கு சேதம் ஏற்பட்டுள்ளதாகவும் 1,600 ரூபா பணமும் காணாமல் போய் உள்ளதாகவும் நடத்துனர் ரஸ்நாயகபுர பொலிஸ் நிலையத்தில் முறைப்பாடு செய்து ள்ளார்.
நேபடாவ சந்தியில் வைத்து 18 வயதான யுவதி பஸ் வண்டியில் ஏறியதாகவும் சிறிது தூரம் சென்றவுடன் பக்கத்தில் இருந்த நபர் ஒருவர் தமக்கு தொல்லை கொடுப்பதாகவும் அவர் கூறியுள்ளார்.
அதன் பின்னர் பஸ் நடத்துனர் அந்த யுவதியை அழைத்து வந்து பெண்ணொருவர் அமர்ந்திருந்த ஆசனத்தில் அமரச் செய்ததாகவும் கூறப்படுகின்றது.
