இன்றைய காலத்தில் சிறியவர்கள் முதல் பெரியவர்கள் வரை அனைவரும் எதிர்கொள்ளும் முக்கிய பிரச்னை தொப்பை. இது ஒருவருக்கு வருவதற்கு பல காரணங்கள் உள்ளன.
அதில் மோசமான உணவு முறை, உடற்பயிற்சியின்மை மற்றும் மன அழுத்தம் போன்ற முக்கிய காரணங்களாகும்.
இந்த தொப்பை விரைவில் குறைப்பதே நல்லது. இல்லாவிடின் இது உடல் எடையை அதிகரித்து பல ஆரோக்கிய பிரச்சனைகளுக்கு வழிவகுக்கும். குறிப்பாக தொப்பை உள்ளவர்களுக்கு இதய நோயின் அபாயம் அதிகம் உள்ளது.
தொப்பையை குறைக்க விரும்பினால், உங்கள் உணவில் சில பழங்களை சேர்த்துக்கொள்ளலாம். எனவே உங்கள் உணவில் எந்தெந்த பழங்களை சேர்த்துக்கொள்ள வேண்டும் என்பதை தெரிந்துக்கொள்ளுங்கள்.
கிவி
உடல் எடையை குறைக்கும் உணவுகளில் ஒன்று கிவி பழம். இதன் பச்சைப் பகுதியில் கரையக்கூடிய நார்ச்சத்து காணப்படுகிறது. இது உங்கள் வயிற்றை நீண்ட நேரம் நிறைவாக வைத்திருக்க உதவும். மறுபுறம், நீங்கள் இனிப்பு சாப்பிட விரும்பினால், அதற்கு பதிலாக கிவி பழத்தை சாப்பிடலாம்.
ஆப்பிள்
ஆப்பிளில் நிறைய நார்ச்சத்து உள்ளது, இது உங்கள் செரிமான அமைப்பை நன்றாக வைத்திருக்க உதவுவதோடு எடையைக் குறைக்கவும் உதவும்.
பப்பாளி
பப்பாளி சாப்பிடுவது எடை மற்றும் தொப்பையை குறைக்க உதவுகிறது. இதில் நல்ல அளவு நார்ச்சத்து மற்றும் ஆன்டிஆக்ஸிடன்ட்கள் உள்ளன, இது நம் உடலுக்கு மிகவும் நன்மை பயக்கும்.
வாழைப்பழம்
வாழைப்பழத்தில் கோலைன் இருக்கிறது. அதோடு இதிலிருக்கும் பி விட்டமின்கள் அடிவயிற்றில் சேர்ந்திருக்கக்கூடிய கொழுப்பைக் கரைத்திடும்.
