வெலிமடை அம்பகஸ்தோவ பகுதியில் இன்று வியாழக்கிழமை (27) இரண்டு தனியார் பஸ்கள் மோதி விபத்துக்குள்ளானதில் 11 பேர் காயமடைந்துள்ளனர்.
காயமடைந்தவர்கள் , வெலிமடை பொது வைத்தியசாலையில் சிகிச்சைக்காக அனுமதிக்கப்பட்டுள்ளதாக பொலிஸார் தெரிவித்துள்ளனர்.
காயமடைந்தவர்களில் 7 பெண்களும் 4 ஆண்களும் அடங்குவதாக பொலிஸார் தெரிவித்தனர்.
வெலிமடை அம்பகஸ்தோவ வீதியின் தரகல பகுதியில் முன்னோக்கிச் சென்று கொண்டிருந்த பஸ் பின்னால் வந்து கொண்டிருந்த மற்றைய பஸ்ஸை மோதி விபத்து ஏற்பட்டுள்ளது. மேலும் விபத்து தொடர்பான மேலதிக விசாரணைகளை பொலிஸார் மேற்கொண்டு வருகின்றனர்.
