நீர்கொழும்பு பிரதேசத்தில் உள்ள ஹோட்டல் ஒன்றில் முகநூலில் அறிமுகமான நண்பர்களுடன் இணைந்து போதைப்பொருள் விருந்து நடத்திய 43 இளைஞர்கள், யுவதிகள் கைது செய்யப்பட்டுள்ளனர்.
மதுவரி திணைக்களத்தின் அதிகாரிகளுக்குக் கிடைத்த தகவலின் பேரில் களியாட்டத்தில் ஈடுபட்ட சந்தேக நபர்கள் கைது செய்யப்பட்டுள்ளனர்.
தங்காலை, மாரவில, கிரிந்திவெல,ஹிங்குரக்கொட, பூகொடை, நீர்கொழும்பு, ஜா – எல மற்றும் ஹொரணை ஆகிய பிரதேசங்களைச் சேர்ந்த 19 முதல் 35 வயதுக்குட்பட்டவர்கள என பொலிஸார் கூறியுள்ளனர்.
கைது செய்யப்பட்டவர்களில் 10 யுவதிகளும் 33 இளைஞர்களும் அடங்குவதாக அதிகாரிகள் தெரிவித்துள்ளனர். இவர்களில் பல்கலைக்கழக மாணவர்களும், வர்த்தகர்களும் காணப்படுவதாக அதிகாரிகள் மேலும் தெரிவித்துள்ளனர்.
மேலும் கைது செய்யப்பட்ட சந்தேக நபர்களிடமிருந்து ஹெரோயின், கஞ்சா மற்றும் சிகரெட்டுகள் ஆகிய போதைப்பொருட்கள் கைப்பற்றப்பட்டுள்ளதாகவும் மதுவரி திணைக்கள அதிகாரிகள் கூறியுள்ளனர்.
