விஜய் தற்போது எச்.வினோத் இயக்கத்தில் தளபதி 69 என்ற திருப்பிடத்தில் நடித்து வருகின்றார். இதுவே விஜய்யின் கடைசி படமாகும். இப்படத்திற்கு பிறகு விஜய் முழு நேர அரசியலில் ஈடுபட இருக்கின்றார். இதனைப்பற்றி அவர் கடந்த பிப்ரவரி மாதமே அறிவித்துவிட்டார். இந்த அறிவிப்பு வந்தவுடன் பலரும் விஜய் ஏன் நடிப்பில் இருந்து விளக்குகின்றார் என கேள்விகேட்டனர்.
அவரது ரசிகர்களால் இதனை ஏற்றுக்கொள்ள முடியவில்லை. என்னதான் விஜய் அரசியலில் களமிறங்கினாலும் தொடர்ந்து படங்களில் நடிக்க வேண்டும் என்பது தான் அனைவரது விருப்பமாகவும் உள்ளது. ஆனால் விஜய் தன் முடிவில் உறுதியாக இருக்கின்றார் என்றே தெரிகின்றது. இந்நிலையில் விஜய்யின் அரசியல் என்ட்ரி பற்றி பலரும் தங்களின் கருத்துக்களை கூறி வரும் நிலையில் நவரச நாயகன் கார்த்திக் தன் கருத்துக்களை கூறியிருக்கின்றார்.
அவர் கூறியதாவது, யார் வேண்டுமானாலும் அரசியலுக்கு வரலாம்.தம்பி விஜய்யும் அரசியலுக்கு வரட்டும். அவர் திரைப்பயணத்தில் பீக்கில் இருக்கும்போது அரசியலுக்கு வருகின்றார். அது பெரிய விஷயம், ஆனால் அவர் தொடர்ந்து படங்களில் நடிக்கவேண்டும் என நான் விரும்புகிறேன். படங்களில் நடித்துக்கொண்டே அரசியலில் இருக்கலாம். அவர் சொல்ல வரும் கருத்துக்களை பெரிய திரையின் மூலம் கூறினால் நல்ல ரீச் கிடைக்கும். எனவே அவர் படங்களிலும் நடிக்கவே வேண்டும் என்பது தான் என்னுடைய விருப்பம் என்றார் கார்த்திக்.
தற்போது கார்த்திக் கூறிய கருத்துக்கள் இணையத்தில் வைரலாகி வருகின்றது. கார்த்திக் சொன்னதை போல தான் பெரும்பாலானோர் விஜய் தொடர்ந்து படங்களில் நடிக்க வேண்டும் என கூறி வருகின்றனர். தற்போது தென்னிந்திய திரையுலகில் அதிக சம்பளம் வாங்கும் நடிகராக விஜய் இருக்கின்றார். அவர் தன் ஒவ்வொரு படங்களின் மூலமும் புது புது வசூல் சாதனைகளை செய்து வருகின்றார்.
அவரின் படத்தை தயாரிக்க பலர் தவம் இருந்து வருகின்றனர். இவ்வாறு இருக்கும் நிலையில் விஜய் திடீரென நடிப்பில் இருந்து விலகியது ரசிகர்களுக்கு பேரதிர்ச்சியாக இருக்கின்றது. அவர் தன் முடிவை மாற்றிக்கொண்டு வருடத்திற்கு ஒரு படமாவது நடிக்க வேண்டும் என்பது தான் அனைவரது விருப்பமாகவும் உள்ளது என்பது குறிப்பிடத்தக்கது.
