பிக் பாஸ் சீசன் 8 நிகழ்ச்சி இன்று மிகப்பிரம்மாண்டமான முறையில் துவங்கவுள்ளது. ஹிந்தி மற்றும் தென்னிந்திய மொழிகளில் மிகவும் பிரபலமான நிகழ்ச்சியாக வலம் வந்த பிக் பாஸ் நிகழ்ச்சி தமிழிலும் கடந்த 2017 ஆம் ஆண்டு முதல் துவங்கப்பட்டது. மற்ற மொழிகளில் இந்நிகழ்ச்சிக்கு கிடைத்த வரவேற்பு தமிழிலும் கிடைக்குமா என்ற சந்தேகத்தில் தான் பிக் பாஸ் நிகழ்ச்சியை முதலில் துவங்கினார்கள்
அதற்கு கமல்ஹாசனை தொகுப்பாளராக போட்டது தான் மாஸ்டர் ஸ்ட்ரோக் என்றும்கூட நாம் சொல்லலாம். எப்போதுமே புதுமையான படைப்புகளை கொடுத்ததும் ஆதரித்தும் வரும் கமல் இந்நிகழ்ச்சியை தொகுத்து வழங்குகின்றார் என்றதும் ரசிகர்களின் எதிர்பார்ப்பு அதிகரித்தது.
கமல் தொகுத்து வழங்குகின்றார் என்றால் கண்டிப்பாக இந்நிகழ்ச்சியில் ஏதேனும் புதுமை இருக்கும் என்ற எதிர்பார்ப்பில் ரசிகர்கள் பிக் பாஸ் நிகழ்ச்சியை பார்க்க துவங்கினார்கள். முதல் சிசனிலேயே இந்நிகழ்ச்சி சூப்பர் டூப்பர் ஹிட்டடித்தது. அதன் பிறகு பிக் பாஸ் நிகழ்ச்சி கடந்த ஏழு சீசன்களாக வெற்றிகரமாக போய்க்கொண்டிருக்க தற்போது சீசன் 8 இன்று துவங்குகின்றது.
ஆனால் இந்த சீசனில் கமலுக்கு பதிலாக விஜய் சேதுபதி தொகுத்து வழங்கவுள்ளார். பிக் பாஸ் தமிழின் வெற்றிக்கு மிக முக்கிய காரணம் கமல்ஹாசன் தான். அவரின் தொகுத்து வழங்கும் திறனால் தான் இந்நிகழ்ச்சி விறுவிறுப்பாக சென்று வந்தது. ஆனால் தற்போது கமல் இந்நிகழ்ச்சியில் இருந்து விலகியுள்ளார். அரசியல் மற்றும் சினிமா வேலைகளின் காரணமாக கமல் இந்த நிகழ்ச்சியில் இருந்து விலகியதாக தகவல் வந்துள்ளது.
எனவே தான் கமலுக்கு பதிலாக விஜய் சேதுபதி இந்த நிகழ்ச்சியை தொகுத்து வழங்க கமிட்டாகியுள்ளார். விஜய் சேதுபதி இந்த சீசனை தொகுத்து வழங்குகின்றார் என்றதும் கமல் அவருக்கு போன் செய்து தன வாழ்த்துக்களை கூறியிருக்கின்றார். அதுமட்டுமல்லாமல் படங்களில் சிறப்பாக நடித்து அசத்துவது போல இந்நிகழ்ச்சியையும் சிறப்பாக தொகுத்து வழங்கவேண்டும். உங்களுக்கான தனி ஸ்டைலை இந்நிகழ்ச்சியின் மூலம் நீங்கள் உருவாக்கிக்கொள்ள வேண்டும் என விஜய் சேதுபதிக்கு சில அறிவுரைகளை கமல் கூறியதாக தகவல்கள் வந்துள்ளது. ஆனால் இது எந்தளவிற்கு உண்மை என தெரியவில்லை என்பது குறிப்பிடத்தக்கது.
