தெலுங்கு இயக்குனர் சேகர் கம்முலா இயக்கத்தில் நடிகர் தனுஷ் தனது 51வது படமாக ‘குபேரா’ என்கிற படத்தில் நடித்து வருகின்றார். இதில் நாகார்ஜூனா, ராஷ்மிகா மந்தனா, ஜிம் சர்ப் ஆகியோர் முக்கிய கதாபாத்திரங்களில் நடித்து வருகின்றனர். ஸ்ரீ வெங்கடேஸ்வரா சினிமாஸ் நிறுவனம் தயாரிக்கும் இப்படத்திற்கு தேவி ஸ்ரீ பிரசாத் இசையமைக்கின்றார்.
ஏற்கனவே இதன் படப்பிடிப்பு பல கட்டமாக ஹைதராபாத், திருப்பதி, கோவா, டர்க்கி, மும்பை ஆகிய பகுதிகளில் 90 நாட்களுக்கும் மேல் நடைபெற்றது. இன்னும் ஒரு வார படப்பிடிப்பு மட்டுமே மீதமுள்ளது. இந்த நிலையில் இந்த படத்தை அடுத்த வருடம் பிப்ரவரி மாதத்தில் திரைக்கு கொண்டு வர திட்டமிட்டுள்ளதாக தகவல்கள் தெரிவிக்கின்றனர்.
