கடந்த 2005ம் ஆண்டில் சூர்யா, அசின், நயன்தாரா நடிப்பில் ஏ.ஆர். முருகதாஸ் இயக்கிய படம் ‘கஜினி’. அதையடுத்து 2008ம் ஆண்டில் அதே படத்தை ஹிந்தியில் அமீர்கானை வைத்து ரீமேக் செய்தார் முருகதாஸ். அந்த படத்தில் அசின் நாயகியாக நடித்திருந்தார். இப்படியான நிலையில் தற்போது கஜினி படத்தின் இரண்டாம் பாகத்தை இயக்குவதற்கு ஏ.ஆர்.முருகதாஸ் தயாராகி வருகிறார்.
இந்த படத்தை அமீர்கானை வைத்து முருகதாஸ் இயக்க இருப்பதாக ஏற்கனவே செய்திகள் வெளியாகி வந்த நிலையில், தற்போது சூர்யா- அமீர்கான் ஆகிய இருவரையும் வைத்து கஜினி-2 படத்தை அவர் இயக்க இருப்பதாக தற்போது புதிய தகவல் வெளியாகியிருக்கிறது. மேலும் சிவகார்த்திகேயன், சல்மான் கான் நடிக்கும் படங்களை தற்போது இயக்கி வரும் முருகதாஸ், அந்த படங்களை முடித்துவிட்டு இந்த கஜினி-2 பட வேலைகளில் ஈடுபடுவார் என்றும் கூறப்படுகிறது.
