கடந்த 2000ம் ஆண்டில் மணிரத்னம் இயக்கத்தில் மாதவன், ஷாலினி இணைந்து நடித்து வெளிவந்த படம் ‘அலைபாயுதே’. இந்த படம் ஒரு ட்ரெண்ட் செட் படமாக அமைந்தது. ஏ.ஆர்.ரஹ்மானின் இனிமையான பாடல்களும் படத்தின் வெற்றிக்கு பக்கபலமாய் அமைந்ததோடு இந்த காலகட்டத்திலும் தமிழில் வெளிவந்த சிறந்த காதல் படங்களில் அலைபாயுதே படமும் இடம் பெறும் அளவிற்கு ரசிகர்கள் மத்தியில் நீங்காத இடம் பெற்றுள்ளது.
இந்த நிலையில் அஜித் மனைவி மற்றும் நடிகையுமான ஷாலினி அவரது இன்ஸ்டாகிராம் பக்கத்தில் சமீபத்தில் மாதவனுடன் உள்ள போட்டோ ஒன்றை பகிர்ந்துள்ளார். இந்த போட்டோவை ரசிகர்கள், ‛24 வருடங்களுக்கு பிறகு கார்த்திக், சக்தி’ என்கிற தலைப்போடு வைரலாக்கினர்.
அலைபாயுதே படத்தில் கார்த்திக் வேடத்தில் மாதவனும், சக்தி வேடத்தில் ஷாலினியும் நடித்தனர்.
