சீரியல் நடிகர் சந்தோஷ்- மௌனிகா தம்பதிகளின் திருமண நிச்சயதார்த்த புகைப்படங்கள் ரசிகர்களின் கவனத்திற்கு சென்றுள்ளது.
பிரபல தொலைக்காட்சியில் ஒளிபரப்பான ‘கன்னத்தில் முத்தமிட்டால்’ சீரியலின் கதாநாயகனாக நடித்து பிரபலமானவர் தான் நடிகர் சந்தோஷ்.
இவர், சமீபத்தில் தமிழில் வெளியாகி சூப்பர் ஹிட் வெற்றி கொடுத்த ‘லப்பர் பந்து’ படத்தில் முக்கிய வேடத்தில் நடித்த நடிகை மௌனிகாவுடன் திருமண நிச்சயதார்த்தம் செய்துள்ளார்.
இதன்போது இருவரும் தம்பதிகளாக எடுத்துகொண்ட புகைப்படங்கள் சமூக வலைத்தளங்களில் வைரலாகி வருகின்றது.
சந்தோஷ் சீரியல் மட்டுமல்லாமல் ‘புதிய பார்வை’ என்கிற குறும்படத்திலும், வித்தியாசமான கெட்டப்பில் நடித்திருப்பார்.
10 வருட காதலின் அடையாளம்
அதன் பின்னரே ‘அண்ணா’ சீரியலில் நடித்து வந்தார். சில பல காரணங்களால் சீரியலிலிருந்து விலகிய சந்தோஷ் இன்ஸ்டாகிராம் பக்கத்தில் மிகவும் ஆக்டிவாக இருந்து வருகிறார்.
இந்த நிலையில் பிளாக் ஷீப் வீடியோஸ், கனா காணும் காலங்கள் போன்றவற்றில் நடித்து பிரபலமான நடிகை மௌனிகாவை சந்தோஷ் பத்து வருடங்களாக காதலித்து வந்துள்ளார்.
இவர்களின் காதலுக்கு இருவீட்டாரும் பச்சைக்கொடி காட்டிய நிலையில், கடந்த இரண்டு தினங்களுக்கு முன்னர் மிக பிரமாண்டமாக திருமண நிச்சயதார்த்தம் நடந்து முடிந்துள்ளது.
இந்த கியூட் நட்சத்திர ஜோடிக்கு பிரபலங்களும், ரசிகர்களும் தங்களின் வாழ்த்துக்களை தெரிவித்து வருகிறார்கள்.
