கவர்ச்சி நடிகையாக அடையாளப்படுத்தப்பட்டுள்ள யாஷிகா தொடர்ந்து பேய் படங்கள், திரில்லர் படங்களில் தான் அதிகமாக நடித்து வருகிறார். அந்த வரிசையில் தற்போது மீண்டும் ஒரு திரில்லர் படத்தில் இணைந்துள்ளார். இந்த படத்தில் அவர் டாக்டராக நடிக்கிறார். டுவிங்கில் லேப்ஸ் புரொடக்ஷன்ஸ் சார்பில் எம்.ஏ.பாலா தயாரித்து, இயக்குகிறார். முன்னாள் ராணுவ வீரரான எம்.ஏ.பாலா ஏற்கனவே ‘கார்த்திகேயனும் காணாமல் போன காதலியும்’ என்ற படத்தை தயாரித்து, இயக்கினார்.
யாஷிகா ஆனந்த் கதாநாயகியாக நடிக்கிறார். இவருக்கு ஜோடியாக மருத்துவரான ராம் பிரசாத் நடிக்கிறார். இந்தப் படத்திற்கு ஒளிப்பதிவு பணிகளை டேவிட் பாஸ்கர் மேற்கொள்கிறார். இசையமைப்பாளராக விபின்.ஆர் பணியாற்றுகிறார். இன்னும் பெயரிடப்படாத இந்தப் படத்தின் படப்பிடிப்பு சென்னை மற்றும் அதன் சுற்று வட்டார பகுதிகளில் நடைபெற இருக்கிறது. படத்தின் பணிகள் பூஜையுடன் தொடங்கி உள்ளது.
