இலங்கை வளிமண்டலவியல் திணைக்களத்தின்(Department of Meteorology) உத்தியோகபூர்வ இணையத்தளத்தின் மீது சைபர் தாக்குதல் நடத்தப்பட்டுள்ளதாக தகவல் வெளியாகியுள்ளது.
இதன் காரணமாக வளிமண்டலவியல் திணைக்களத்தின் இணையத்தளத்திற்கான அணுகல் தடை செய்யப்பட்டுள்ளதாக இலங்கை கணினி அவசர தயார்நிலைக் குழு (SLCERT) தெரிவித்துள்ளது.
அத்துடன், அதனை கூடிய விரைவில் மீளமைக்கும் பணிகள் தற்போது முன்னெடுக்கப்பட்டு வருவதாக அதன் சிரேஷ்ட தகவல் பாதுகாப்பு பொறியியலாளர் சாருகா தமுனுபொல தெரிவித்துள்ளார்.
இணையவழி குற்றச் செயல்கள்
இதேவேளை, இந்த வருடத்தின் இதுவரையான காலப்பகுதியில் சுமார் 2000 இணைய அச்சுறுத்தல் மற்றும் இணையவழி குற்றச் செயல்கள் தொடர்பில் முறைபாடு பதிவாகியுள்ளதாக இலங்கை கணினி அவசர தயார்நிலைக் குழு (SLCERT)தெரிவித்துள்ளது.
அதன்படி, சமீபத்திய மாதங்களில் இணையவழி குற்றச் செயல்கள் தொடர்பில் 9,500 முறைப்பாடுகள் பதிவுசெய்யப்பட்டுள்ளமை குறிப்பிடத்தக்கது.
