தனுஷ் இயக்குனராக ராயன் படத்திற்கு பிறகு ‘நிலவுக்கு என் மேல் என்னடி கோபம்’ என்கிற படத்தை இயக்கியுள்ளார். இதில் கதாநாயகனாக அவரது அக்கா மகன் பவிஷ் அறிமுகமாகிறார். இதில் அனைகா சுரேந்திரன், மேத்யூ தாமஸ், பிரியா பிரகாஷ் வாரியர், சரத்குமார் உள்ளிட்ட பலர் முக்கிய வேடத்தில் நடிக்கின்றனர். ஜி.வி.பிரகாஷ் இசையமைக்கும் இந்த படத்தை வுன்டர்பார் பிலிம்ஸ், ஆர்.கே.புரொடக்சன்ஸ் என இரு நிறுவனங்கள் இணைந்து தயாரிக்கின்றனர்.
ஏற்கனவே இந்த படத்திலிருந்து வெளிவந்த ‘கோல்டன் ஸ்பெரோ’ எனும் பாடல் தான் தற்போது சமூக வலைதளங்களில் ட்ரெண்டிங் ஆக உள்ளது. கடந்த சில நாட்களாக இந்த படத்தின் பாடல் காட்சி ஒன்றை சென்னையில் தனுஷ் படமாக்கி வந்தார். தற்போது இத்திரைப்படத்தை அடுத்த வருடம் காதலர் தினமான பிப்ரவரி 14ம் தேதி அன்று திரைக்கு கொண்டு வர படக்குழு திட்டமிட்டு வருவதாக தெரிவிக்கின்றனர். ஏற்கனவே இதே தேதியில் டிராகன், ஒன்ஸ் மோர் ஆகிய படங்கள் திரைக்கு வருகிறது என அறிவித்துள்ளனர்.
