வினோத் இயக்கத்தில் நடிகர் விஜய் தனது 69வது படத்தில் நடித்து வருகிறார். அரசியலுக்கு பயணிப்பதால் இதுவே தனது கடைசி படம் என்று அறிவித்துவிட்டார். இதில் விஜய் உடன் பாபி தியோல், பூஜா ஹெக்டே, மமிதா பைஜூ, கவுதம் மேனன் உள்ளிட்ட பலர் முக்கிய கதாபாத்திரங்களில் நடிக்கின்றனர். இந்த படத்தை கே.வி.என் புரொடக்சன்ஸ் நிறுவனம் தயாரிக்கின்றனர். அனிரூத் இசையமைக்கிறார்.
இந்த படத்தினை அறிவிக்கும் போதே 2025ம் ஆண்டு அக்டோபர் மாதத்தில் ரிலீஸாகும் என அறிவித்திருந்தனர். தற்போது கன்னட படமான ‘காந்தாரா சாப்டர் 1’ படம் 2025ம் ஆண்டு அக்டோபர் 2ம் தேதி வெளியாகிறது என அறிவித்துள்ளனர். இதனால் விஜய் 69வது படம் 2025 தீபாவளிக்கு தள்ளி வெளியாகும் என சினிமா வட்டாரத்தில் தெரிவிக்கின்றனர்.
