பிரான்ஸில் பொலிஸாரிடம் இருந்து தப்பிக்க, மூன்றாவது தளத்தில் இருந்து குதித்த திருடன் மருத்துவமனையில் அனுமதிக்கப்பட்டுள்ளதாக தெரிவிக்கப்படுகின்றது.
அவர் படுகாயமடைந்த நிலையில் மருத்துவமனையில் அனுமதிக்கப்பட்டுள்ளார். இச்சம்பம் ஞாயிற்றுக்கிழமை (17) மத்திய பரிசின் rue Saint-Martin வீதியில் இடம்பெற்றுள்ளது.
பல்வேறு வீடுகளுக்குள் நுழைந்த கொள்ளையர்கள்
அங்குள்ள அடுக்குமாடி குடியிருப்பு ஒன்றில் உள்ள பல்வேறு வீடுகளுக்குள் நுழைந்த கொள்ளையர்கள் இருவர் (வயது 19 மற்றும் 23) பல்வேறு பொருட்களை மூட்டைக்கட்டிக்கொண்டு இருந்துள்ளனர்.
கொள்ளையை அவதானித்த அருகில் வசிப்பவர்களில் ஒருவர் காவல்துறையினரை அழைக்க, அவர்கள் சம்பவ இடத்துக்கு விரைந்து வந்தனர்.
பொலிஸார் வருகையை அறிந்த இரு கொள்ளையர்களும் தப்பிச் செல்ல முற்பட்டனர். அவர்களில் ஒருவர் கட்டிடத்தின் மூன்றாவது தளத்தில் இருந்து குதித்துள்ளார்.
இதன்போது படுகாயமடைந்த திருடனை மீட்ட பொலிஸார் மருத்துவமனையில் அனுமத்தித்தௌடன் , கொள்ளையில் ஈடுபட்ட இரண்டாவது நபர் கைது செய்யப்பட்டுள்ளார்.
