ரொறன்ரோவில் நிலவிவரும் பனிப்பொழிவுடனான காலநிலை காரணமாக வாகன சாரதிகள் அவதானமாக பயணம் செய்ய வேண்டும் என அறிவுறுத்தப்பட்டுள்ளது.
ரொறன்ரோ மற்றும் அதனை அண்டிய பகுதிகளில் 2 முதல் 4 சென்றிமீற்றர் வரையில் பனிப்பொழிவு ஏற்படும் என எதிர்வு கூறப்பட்டுள்ளது.
எனவே வாகன சாரதிகள் மிகுந்த அவதானத்துடன் வாகனங்களை செலுத்த வேண்டும் என தெரிவிக்கப்படுகிறது.
குறிப்பாக வீதிகள் வழுக்கும் தன்மையுடன் காணப்படும் என அறிவுறுத்தப்பட்டுள்ளது.
சீரற்ற காலநிலை காரணமாக வாகன போக்குவரத்துக்களில் தாமத நிலை ஏற்படலாம் எனவும் அறிவிக்கப்பட்டுள்ளது.
இன்றைய தினம் மேகக் கூட்டத்துடனான வானத்தை அவதானிக்க முடியும் எனவும் மறை ஒரு பாகை செல்சியஸ் அளவில் வெப்பநிலையை நீடிக்கும் எனவும் காற்று குளிர்ந்த நிலையில் வீசும் எனவும் சுமார் மறை 9 பாகை அளவிலான ஓர் வெப்பநிலையை உணர முடியும் எனவும் எதிர்வு கூறப்பட்டுள்ளது.
