இலங்கை கடற்பரப்பில் அத்துமீறிய இந்திய மீனவர்கள் கைது!

இலங்கை(Sri lanka) கடற்பரப்பில் கடற்றொழிலில் ஈடுபட்ட குற்றச்சாட்டில் இந்திய கடற்றொழிலாளர்கள் 8 பேர் கடற்படையினரால் இன்று(08) அதிகாலை கைது செய்யப்பட்டுள்ளனர்.

யாழ்ப்பாணம்(Jaffna) நெடுந்தீவு கடற்பரப்பில் கடற்றொழிலில் ஈடுபட்டுக் கொண்டிருந்த இரண்டு படகுகளையும் அதிலிருந்த 8 இந்திய கடற்றொழிலாளர்களையும் இவ்வாறு கடற்படையினர் கைது செய்துள்ளனர்.

இந்திய கடற்றொழிலாளர்கள்

கைதான கடற்றொழிலாளர்கள் மயிலிட்டி மீன்பிடி துறைமுகத்திற்கு அழைத்துச் செல்லப்பட்டு, கடற்றொழில் நீரியல்வளத்துறை திணைக்களத்தினரிடம் ஒப்படைக்கப்பட்ட நிலையில், அவர்களை ஊர்காவற்றுறை நீதிமன்றத்தில் முற்படுத்த நடவடிக்கை எடுக்கப்பட்டிருந்தமை குறிப்பிடத்தக்கது.