கட்டுநாயக்க விமான நிலையத்தில் ஒருவர் கைது!

கட்டுநாயக்க விமான நிலையத்தில் சட்டவிரோதமான முறையில் இலங்கைக்கு (Srilanka) கொண்டு வரப்பட்டு 40 இலட்சத்து 50 ஆயிரம் ரூபா பெறுமதியான வெளிநாட்டு உற்பத்தி சிகரெட்டுகளுடன் சந்தேக நபர் கைது செய்யப்பட்டுள்ளார்.

குறித்த கைது நடவடிக்கையானது இன்று காவல்துறை போதைப்பொருள் ஒழிப்பு பிரிவு அதிகாரிகளால் முன்னெடுக்கப்பட்டுள்ளது.

போதைப்பொருள் ஒழிப்பு
கம்பளை பிரதேசத்தை சேர்ந்த 57 வயதான இவர் டுபாயில் உள்ள கட்டிடம் ஒன்றில் காவலாளியாக பணிபுரிந்துள்ளாதாக காவல்துறையினர் தெரிவித்துள்ளனர்.

கட்டுநாயக்க விமான நிலைய காவல்துறை போதைப்பொருள் ஒழிப்பு பிரிவின் அதிகாரிகளுக்கு கிடைத்த தகவலின் அடிப்படையில் விமான நிலையத்தை விட்டு வெளியேறும்போதே அவர் கைது செய்யப்பட்டுள்ளார்.