தற்போது இருக்கும் தலைமுறையினருக்கு இளநரை என்பது ஒரு பிரச்சனையாகவெ உள்ளது. இந்த இளநரை வருவதற்கு பல காரணங்கள் உள்ளது. பொதுவாக ‘மெலனின்’ எனும் நிறமிதான் நம் தோலின் நிறத்தை நிர்ணயம் செய்கிறது.
இதைப் போன்றே யூமெலனின், பயோ மெலனின் ஆகிய நிறமிகள் நம்முடைய முடியின் கருமை நிறத்துக்குக் காரணமாகின்றன.
இந்த நிறமிகளின் உற்பத்திக் குறைவதால், கருமையான முடிகள் நரைமுடிகளாக மாறுகின்றன. இதனால் தான் இளநரை வரக்காரணமாகும். இதை எப்படி சரி செய்யலாம் என்பதை இந்த பதவில் பார்க்கலாம்.
இளம் நரை முடிக்கு தைலம் செய்ய
வெள்ளைக் கரிசாலைச் சாறு 100 மி.லி
கறிவேப்பிலைச் சாறு 100 மி.லி
நெல்லிக்காய் சாறு 100 மி.லி
நீல அவுரி சாறு 100 மி.லி
நாட்டு செம்பருத்திப்பூ 25
கருஞ்சீரகம் 10 கிராம்
கார்போகரிசி 10 கிராம்
அரைக்கீரை விதை 10 கிராம்
தேங்காய் எண்ணெய் 1 லிட்டர்
செய்யும் முறை
மேலே குறிப்பிட்டுள்ள சாறுகளை தேங்காய் எண்ணெயில் சேர்த்து நன்றாகக் கொதிக்க வைக்க வேண்டும். பிறகு செம்பருத்தி பூ மற்றும் பொடி செய்த மற்றவற்றையும் சேர்த்து தேங்காய் எண்ணையில் காய்ச்சி எடுக்க வேண்டும்.
இந்தத் தைலத்தை தலைமுடியில் தேய்த்துக் குளித்துவந்தால் இளம்நரை நீங்கும்.
இது தவிர நாளாந்த உணவில் முட்டையின் வெள்ளை கரு, வேகவைத்த சிவப்புக் கொண்டைக்கடலை, பச்சைப்பயறு, பச்சை பட்டாணி, சோயா, மொச்சை, உளுந்து போன்றவற்றை சேர்ப்பது அவசியம்.
தினமும் கீரைகள் எடுத்துக்கொள்வது அவசியம். அவற்றில் அரைக் கீரை, தண்டுக் கீரை, பொன்னாங்கண்ணி கீரை, பொன்றவை இடம்பெற்றிருக்க வேண்டும்.
இளநரை இருப்பவர்கள் இந்த செய்முறைகளை மறக்காமல் செய்யும் போது இளநரை அடியோடு இல்லாமல் போகும்.
