2025ம் வருடப் பொங்கலுக்கு ‘விடாமுயற்சி, வணங்கான், கேம் சேஞ்சர்’ ஆகிய படங்கள் வெளியாகும் என்று அறிவிக்கப்பட்டிருந்தது. ‘விடாமுயற்சி’ படம் பொங்கலுக்கு வரவில்லை என நேற்று அறிவிக்கப்பட்டது. ஏற்கெனவே பொங்கல் வெளியீடு என சிறிய பட்ஜெட்ப டமான ‘தருணம்’ என்ற படத்தின் அறிவிப்பும் வெளியாகி இருந்தது.
‘விடாமுயற்சி’ படம் திடீரென நேற்று விலகியதை அடுத்து தற்போது சில படங்கள் பொங்கல் வெளியீடாக திடீரென அறிவிக்கப்பட்டுள்ளன. சிபிராஜ் நடித்துள்ள ‘டென் ஹவர்ஸ்’, ஷேன் நிகாம், கலையரசன் நடித்துள்ள ‘மெட்ராஸ்காரன்’ ஆகிய படங்கள் ஜனவரி 10ல் வெளியாகும் என இன்று அறிவிக்கப்பட்டுள்ளன.
ஜெயம் ரவி, நித்யா மேனன் நடித்து கிருத்திகா உதயநிதி இயக்கியுள்ள ‘காதலிக்க நேரமில்லை’ படத்தையும் பொங்கலுக்குக் கொண்டு வர முயற்சித்து வருகிறார்களாம். இன்னும் ஓரிரு தினங்களில் பொங்கலுக்கு எந்தெந்த படங்கள் வரும் என உறுதியாகத் தெரிந்துவிடும்.
