பிரித்தானியாவில் (United Kingdom) புலம்பெயந்தோர் வருகையால் ஏழு ஆண்டுகளுக்குள் மக்கள் தொகை 72.5 மில்லியனாக உயரும் என அதிகாரிகள் எச்சரித்துள்ளதாக அந்நாட்டு ஊடகங்கள் செய்தி வெளியிட்டுள்ளன.
இதனடிப்படையில், அடுத்த ஏழு ஆண்டுகளில் மக்களின் எண்ணிக்கை ஐந்து மில்லியன் அதிகமாகும் என தெரிவிக்கப்பட்டுள்ளது.
வெளியிடப்பட்டுள்ள உத்தியோகப்பூர்வ மதிப்பீடுகளின்படி, அடுத்த கால் நூற்றாண்டில் மக்கள் தொகை உயர்வுக்கு வெளிநாட்டு வருகை மட்டுமே ஒரே காரணமாக இருக்கும் என சுட்டிக்காட்டப்பட்டுள்ளது.
அந்நாட்டு ஊடகங்கள் வெளியிட்டுள்ள புள்ளி விபரங்களின் அடிப்படையில், 2022 இல் 67.6 மில்லியனாக இருந்த மக்கள் தொகை, 2032 இல் 7.3 சதவீதமாக அதிகரிக்கும் என எதிர்ப்பார்க்கப்படுவதாக தெரிவிக்கப்பட்டுள்ளது.
2032 இல் ஏற்படும் 4.9 மில்லியன் அதிகரிப்பு என்பது, ஷெஃபீல்ட் அளவிலான பத்து நகரங்களை இறக்குமதி செய்வதற்குச் சமன் என தெரிவிக்கப்பட்டுள்ளது.
நிகர இடம்பெயர்வு என்பது பிரித்தானியாவிற்கு 9.9 மில்லியன் பேர் வருகை தருவதாலும் 4.9 பேர் வெளியேறுவதாலும் ஏற்படுவதாக தெரிவிக்கப்பட்டுள்ளமை குறிப்பிடத்தக்கது.
