வீரம், வேதாளம் படங்களின் மாபெரும் வெற்றியை தொடர்ந்து அஜித் – சிவா கூட்டணி மூன்றாவது முறையாக ஒரு படத்தில் இணைந்துள்ளது. சத்யஜோதி பிலிம்ஸ் சார்பாக தியாகராஜன் தயாரிக்கும் இப்படத்துக்கு அனிருத் இசையமைத்து வருகிறார். இப்படத்தில் முதல்முறையாக அஜித் ஜோடியாக காஜல் அகர்வால் நடித்து வருகிறார்.
இதன் முதல்நாள் படப்பிடிப்பில் காஜலை பார்த்த அஜித், காஜல் ஜி வாங்க, போங்க என்றே அவரை கூப்பிட்டாராம். முதலில் அவரை விட ஜூனியரான தன்னை அவர் ஏன் இப்படி கூப்பிடுகிறார் என்று யோசித்த காஜல், பின்னர்தான் தன்னை ‘தல’ கலைக்கிறார் என புரிந்துகொண்டாராம். எனினும் ‘தல’ அஜித் ஒரு சிறந்த ஜென்டில்மேன் என புகழாரம் சூட்டியுள்ளார் காஜல் அகர்வால்.
