இந்தியாவின் இமயமலைப் பகுதியை ஒட்டியுள்ளது திபெத் நாடு. இந்த திபெத் நாட்டில் 14-வது தலாய்லாமாவாக தென்சின் கியாட்சோ உள்ளார். அவருக்கு தற்போது வயது 81.
இந்நிலையில், மக்களுக்கு சேவை செய்தற்காக மேற்கொண்டு 20 ஆண்டுகள் உயிர்வாழ விரும்புவதாக தலாய்லாமா தெரிவித்துள்ளார்.
இது குறித்து தலாய்லாமா கூறுகையில், “ஏற்கனவே நான் சொன்னது போல், நான் நூறு வருடத்திற்கு மேல் வாழ்வதற்கு பிராத்தனைகள் நடைபெற்று வருகின்றன.
மேற்கொண்டு தனிப்பட்ட வகையில் நானும் 20 ஆண்டுகள் வாழ பிராத்தனை செய்கிறேன். கூட்டு பிராத்தனை மதத் தலைவர்களிடையே நல்ல உறவை ஏற்படுத்துகிறது” என்றார்.
முன்னதாக புத்த மத தலைவர்கள் கலந்து கொண்ட கூட்டு பிராத்தனை கூட்டம் தர்மசாலா நகரில் நடைபெற்றது. இதில் ஏராளமான மத குருமார்கள் கலந்து கொண்டனர்.
