பிரான்சில் 16 வயது சிறுமி ஒருவர் தனது கர்ப்பத்தை மறைக்க பெற்றெடுத்த சிசுவை கொன்று ஜிம் பையில் மறைத்து தெருவில் வீசிய சம்பவம் வெளிச்சத்திற்கு வந்து பரபரப்பை ஏற்படுத்தியுள்ளது.
lille நகர Bois-Blancs மாவட்டத்திலே இக்கொடூர சம்பவம் அரங்கேறியுள்ளது.
குறித்த சிறுமி மீது சிசுக்கொலை பிரிவில் வழக்கு பதிவு செய்யப்பட்டு விசாரணை மேற்கொள்ளப்பட்டு வருகிறது.
கர்ப்பததை மறைத்து வந்த சிறுமி கடந்த அக்டோபர் 22ம் திகதி வீட்டு குளியல் தொட்டியில் குழந்தையை பெற்றெடுத்து வேண்டுமென்றே இறக்க அனுமதித்துள்ளார்.
பின்னர், உடலை மறைக்க நண்பர் ஒருவரை அழைத்துள்ளார். ஆனால், குறித்த நண்பர் உதவ மறுத்துள்ளார்.
பிறகு, கர்ப்பத்திற்கு காரணமான மற்றொரு நண்பனை அழைத்துள்ளார். இதனையடுத்து, குழந்தையின் உடலை ஜிம் பைக்குள் மறைத்து முற்றத்தில் வீசி விட்டு சென்றுள்ளார்.
குழந்தையின் உடலை கண்டெடுத்த பொலிசார் விசாரணை நடத்தியுள்ளனர். பின்னர், முதல் நண்பரால் குற்றவாளி சிறுமி அடையாளம் காணப்பட்டுள்ளார்.
தற்போது, குற்றச்சாட்டப்பட்டுள்ள சிறுமி ஒரு கல்வி மையத்தில் இருப்பதாக வழக்கறிஞர் தெரிவித்துள்ளார்.
