மிரிஸ்ஸ கடற்கரையில் குளித்துக் கொண்டிருந்த சந்தர்ப்பத்தில் சுகயீனமடைந்த வெளிநாட்டவர் ஒருவர், மாத்தறை வைத்தியசாலையில் அனுமதிக்கப்பட்டதன் பின்னர் உயிரிழந்துள்ளதாக வெலிகம பொலிஸார் தெரிவித்துள்ளனர்.
இவ்வாறு உயிரிழந்தவர் 69 வயதுடைய பிரான்ஸ் நாட்டவர் என தெரிவிக்கப்படுகின்றது. அவர் கடந்த 2ஆம் திகதி இலங்கைக்கு வருகை ந்துள்ளார்.
நேற்று முன் தினம் மிரிஸ்ஸ பிரதேச சுற்றுலா விடுதிக்கு அருகில் உள்ள கடற்கரையில் குளித்துக் கொண்டிருந்த சந்தர்ப்பத்தில் அவர் திடீரென சுகவீனமடைந்துள்ளார்.
பின்னர் அவர் கரைக்கு வந்து அமர்ந்த நிலையில் மீண்டும் எழுந்து செல்ல முடியாமல் கீழே விழுந்ததனை தொடர்ந்து அங்கிருந்தவர்கள் அவரை மாத்தறை வைத்தியசாலையில் அனுமதித்துள்ளனர்.
மாத்தறை வைத்தியசாலையில் சிகிச்சை பெற்றுக் கொண்டிருந்த சந்தர்ப்பத்தில் அவர் உயிரிழந்துள்ளதாக தெரிவிக்கப்படுகின்றது.
வெலிகம பொலிஸார் இந்த மரணம் தொடர்பில் விசாரணைகளை ஆரம்பித்துள்ளனர்.
