இன்று 81-வது பிறந்தநாள் காணும் ஜனாதிபதி பிரணாப் முகர்ஜிக்கு பிரதமர் நரேந்திர மோடி வாழ்த்து தெரிவித்துள்ளார்.
மத்திய நிதி மந்திரியாகவும், ராணுவ மந்திரியாகவும், வெளியுறவுத்துறை மந்திரியாகவும் பல்வேறு உயர்பதவிகளை முன்னர் வகித்த ஜனாதிபதி பிரணாப் முகர்ஜிக்கு இன்று 81 வயது ஆகிறது.
இதையொட்டி, அவருக்கு பிரதமர் நரேந்திர மோடி வாழ்த்து தெரிவித்துள்ளார். இதுதொடர்பாக, தனது டுவிட்டர் பக்கத்தில் அவர் வெளியிட்டுள்ள வாழ்த்து செய்தியில், ‘ஜனாதிபதி பிரணாப் அவர்களின் அனுபவமும் ஞானமும் நாட்டுக்கு ஆதாயத்தை தேடித்தந்துள்ளது.
சிறந்த கல்வியாளரான அவர் மற்ற எல்லாவற்றையும்விட நாட்டு நலனுக்கு முன்னுரிமை அளித்து வந்துள்ளார். அவரை ஜனாதிபதியாக பெற்றமைக்காக நாம் பெருமைப்படுகிறோம். அவருக்கு பிறந்தநாள் வாழ்த்துகளை தெரிவிப்பதுடன், நீடித்த ஆயுளுடன் பல்லாண்டுகள் வாழ பிரார்த்திக்கிறேன்’ என குறிப்பிட்டுள்ளார்.
