கொழும்பு கோட்டை ரயில் நிலையத்தின் தபால் ரயிலில் குண்டு வைக்கப்பட்டுள்ளதாக தெரிவித்து தீவிர சோதனை நடவடிக்கை மேற்கொள்ளப்பட்டது.
கொழும்பிலிருந்து பதுளை நோக்கி பயணிக்கவிருந்த இரவு நேர ரயில் ஒன்றிலேயே, நேற்று முன்தினம் இரவு தேடுதல் நடவடிக்கை மேற்கொள்ளப்பட்டது.
பொலிஸாருக்கு வழங்கப்பட்ட தொலைப்பேசி அழைப்பின் காரணமாகவே இந்த தேடுதல் நடவடிக்கை முன்னெடுக்கப்பட்டது.
இந்த நிலையில் இளம் பெண் ஒருவரே இவ்வாறு தொலைப்பேசி அழைப்பு மேற்கொண்டுள்ளதாக விசாரணைகளில் தெரியவந்துள்ளது.
காதல் சம்பவம் காரணமாக இந்த வதந்தி பரப்பப்பட்டுள்ளதாக ஆரம்பக்கட்ட விசாரணைகளில் தெரியவந்துள்ளது.
குறித்த ரயிலில் தனது காதலன் வேறு பெண்ணை திருமணம் செய்துக் கொள்வதற்கு ஊருக்கு செல்வதாகவும், அதனை தடுக்கும் நோக்கிலேயே இந்த பெண் இவ்வாறு குண்டு வைத்துள்ளதாக போலியான தொலைப்பேசி அழைப்பு மேற்கொண்டுள்ளதாக பொலிஸார் தெரிவித்துள்ளனர்.
