விஜய் நடித்த ‘ஷாஜகான்’ படத்தை இயக்கியவர் ரவி. இப்படம் 2001-ஆம் ஆண்டு வெளியானது. இப்படத்திற்கு பிறகு ரவி எந்த படமும் இயக்கவில்லை. இந்நிலையில், தற்போது 15 ஆண்டுகளுக்குப் பிறகு ரவி புதிய படமொன்றை இயக்கவிருக்கிறார்.
இவர் இயக்கவிருக்கும் புதிய படத்திற்கு இன்னும் பெயரிடப்படவில்லை. ஆனால், இப்படத்தின் முதற்கட்ட படப்பிடிப்பு தொடங்கி முடிந்துள்ளது. தற்போது இரண்டாம் கட்ட படப்பிடிப்பை கேரளாவில் நடத்தவுள்ளனர். இப்படத்தில் முற்றிலும் புதுமுகங்கள் நடிக்கிறார்கள்.
இப்படத்திற்கு ‘இதற்குத்தானே ஆசைப்பட்டாய் பாலகுமாரா’ படத்திற்கு இசையமைத்த சித்தார்த் விபின் இசையமைக்கிறார். இந்த வருடத்தின் இடையில் படம் வெளியாகும் என எதிர்பார்க்கப்படுகிறது.
