68-வது குடியரசு தினம் நாடு முழுவதும் இன்று விமர்சையாக கொண்டாடப்பட்டு வருகிறது. இதனை முன்னிட்டு முக்கிய தலைவர்கள்
தேசிய கொடி ஏற்றுகிறார்கள்.
இந்நிலையில், குடியரசு தினத்தையொட்டி உயிர் நீத்த முப்படை வீரர்களுக்கு சென்னையில் உள்ள போர் நினைவிடத்தில் முதல்வர் பன்னீர் செல்வம் மரியாதை செலுத்தினார்.
சென்னை போர் நினைவு சின்னத்தில் மலர் வளையம் வைத்து அவர் மரியாதை செலுத்தினார். பின்னர் 2 நிமிடம் மவுன அஞ்சலி செலுத்தப்பட்டது.
முதல்வரை தொடர்ந்து முப்படை அதிகாரிகளும் நினைவிடத்தில் மரியாதை செலுத்தினர். இதனை தொடர்ந்து கடற்கரையில் காமராஜர் சாலையில் நடைபெறவுள்ள குடியரசு தின நிகழ்ச்சியில் முதல்வர் கொடியேற்ற உள்ளார்.
