யாழ்ப்பாணத்திலிருந்து மொரட்டுவ சென்ற தனியார் பேருந்து ஏ-9 வீதியில் உள்ள மன்னகுளம் பகுதியில் எருமை மாட்டு கூட்டத்துடன் மோதி விபத்துக்குள்ளானதில் மொரட்டுவ பல்கலைக்கழக மாணவர்கள் 9 பேர் படுகாயம் அடைந்துள்ளனர்.
இச் சம்பவத்தில் 15 எருமை மாடுகளும் சம்பவ இடத்திலேயே பலியாகின. படுகாயமடைந்த 9 பல்கலைக் கழக மாணவர்களும் மாங்குளம் ஆதார வைத்தியசாலையில் அனுமதிக்கப்பட்டுள்ளனர்.
இச் சம்பவம் நேற்றிரவு 9.15 மணியளவில் இடம்பெற்றுள்ளது. சம்பவத்தின் போது பேருந்து வேகக்கட்டுப்பாட்டை இழந்த நிலையில் எருமை மாட்டுக் கூட்டத்துடன் மோதியுள்ளதாக சம்பவ இடத்திற்கு சென்றுள்ள கனகராயன் குளம் பொலிஸாரின் ஆரம்ப விசாரணைகளில் தெரியவந்துள்ளது.
விபத்தினை ஏற்படுத்திய சாரதியை கைது செய்துள்ளதுடன் விபத்து தொடர்பாக மேலதிக விசாரணைகளை முன்னெடுத்துள்ளனர். இச்சம்பவத்தில் பேருந்து பலத்த சேதம் அடைந்துள்ளது.
