இந்திய அணித்தலைவர் விராட் கோஹ்லியை களத்தில் கோப்படுத்தினால் அவரது கவனம் தீவிரமடைய, நம் கவனமே சிதறும் என அவுஸ்திரேலிய நட்சத்திர வீரர் மைக் ஹஸி எச்சரித்துள்ளார்.
எதிர்வரும் பிப்ரவரி மாதம் அவுஸ்திரேலிய அணி இந்திய சுற்றுப்பயணம் மேற்கொண்டு விளையாடவுள்ளது.
முன்னதாக செய்தியாளர்களிடம் பேசிய அவுஸ்திரேலிய அணித்தலைவர் ஸ்டீவ் ஸ்மித் கூறியதாவது, களத்தில் கோஹ்லியை கொஞ்சம் கோபப்படுத்தி பார்க்க வேண்டும்.
அவரது விக்கெட்டை கைப்பற்ற, நாங்கள் அவரைப்போலவே செயல்பட வேண்டும். அவரை வீழ்த்தினாலே, இந்திய அணி சற்று தடுமாற வாய்ப்புள்ளது என கூறியிருந்தார்.
இந்நிலையில் இதுகுறித்து அவுஸ்திரேலிய நட்சத்திர வீரர் மைச் ஹஸி கூறியதாவது, நான் கோஹ்லியை கோபப்படுத்தி தூண்டிவிட மாட்டேன்.
ஏனெனில் அவருக்கு அது சாதகமாகும், அவருக்கும் அது மிகவும் பிடிக்கும் போட்டிக்கு இன்னும் தன்னை முனைப்புடன் ஈடுபடுத்திக் கொள்ள அவருக்கு இது தூண்டுகோலாக அமைந்து விடும்.
எனவே இத்தகைய வார்த்தைத் தாக்குதல்களில் அவுஸ்திரேலிய அணி ஈடுபடக்கூடாது, அது கோலியை மேலும் ஆக்ரோஷமாக்கத் தூண்டும்.
எனவே அவரை கோபப்படுத்தினால் அவரது கவனம் தீவிரமடைய, நம் கவனமே சிதறும் என எச்சரித்துள்ளார்.
