பார்வையற்றோருக்கான டி20 உலகக்கோப்பை கிரிக்கெட் போட்டியில் சாம்பியன் பட்டம் வென்ற இந்திய அணிக்கு பிரதமர் மோடி வாழ்த்துக்களை தெரிவித்துள்ளார்.
பார்வையற்றோருக்கான டி20 உலகக்கோப்பை கிரிக்கெட் தொடர் இந்தியாவில் நடைபெற்று வந்தது. நேற்று பெங்களூரில் இறுதிப்போட்டி நடைபெற்றது. இதில் இந்தியா – பாகிஸ்தான் அணிகள் பலப்பரீட்சை நடத்தின.
இந்தப் போட்டியில் பாகிஸ்தானை 9 விக்கெட்டுக்கள் வித்தியாசத்தில் வீழ்த்தி இந்திய அணி அபார வெற்றி பெற்றது. இதற்கு முன்பு 2007 மற்றும் 2012-ல் பாகிஸ்தானை வீழ்த்தி இந்தியா சாம்பியன் பட்டம் வென்றுள்ளது.
இந்நிலையில், பார்வையற்றோருக்கான டி20 உலகக்கோப்பை கிரிக்கெட் போட்டியில் சாம்பியன் பட்டம் வென்ற இந்திய அணிக்கு பிரதமர் மோடி வாழ்த்துக்களை தெரிவித்துள்ளார்.
இது தொடர்பாக மோடியின் டுவிட்டர் பக்கத்தில் வெளியிட்டுள்ள வாழ்த்துச் செய்தியில், “பார்வையற்றோருக்கான உலகக் கோப்பை கிரிக்கெட்டில் இந்திய அணி சாம்பியன் பட்டம் வென்றுள்ளதால் மகிழ்ச்சி அடைந்துள்ளேன். அவர்களுக்கு எனது வாழ்த்துக்கள். அவர்களுடைய சாதனையை நினைத்து பெருமிதம் கொள்கிறேன்” என்று குறிப்பிட்டுள்ளார்.
