சி.ஆர்.சரஸ்வதி, கோகுல இந்திரா மற்றும் வளர்மதி ஆகியோர் சொத்துக்குவிப்பு வழக்கில் சிறையில் அடைக்கப்பட்டுள்ள சசிகலாவின் காலில் விழுந்து வணங்கியுள்ளனர்.
சொத்துக்குவிப்பு வழக்கில் தண்டனை பெற்றுள்ள சசிகலா, இளவரசி மற்றும் சுதாகரன் ஆகியோர் பெங்களூரு பரப்பன அக்ரஹாரா சிறையில் அடைக்கப்பட்டுள்ளனர்.
அவர்களை சந்திக்க அதிமுகவினர் பலரும் தொடர்ந்து முயற்சி செய்து வந்த நிலையில் அனுமதி மறுக்கப்பட்டது. இந்நிலையில் முறைப்படி மனு அளித்து சி.ஆர்.சரஸ்வதி, கோகுல இந்திரா மற்றும் வளர்மதி ஆகிய மூவரும் சசிகலாவை சந்தித்துள்ளனர்.
அவர்கள் சசிகலாவுக்கு கொடுப்பதற்கு உணவுப்பொருட்கள் மற்றும் பழங்களை எடுத்துச்சென்றுள்ளனர். சசிகலாவை சந்தித்து பழங்களை கொடுத்த மூவரும் அவரது காலில் விழுந்து வணங்கியுள்ளனர்.
பின்னர் தமிழக அரசியல் நிலவரம் குறித்து பேசியுள்ளனர். சுமார் ஒரு மணி நேரம் பேசிய பின்னர் மூவரும் சிறையில் இருந்து சென்னைக்கு புறப்பட்டனர். சந்திப்பு குறித்து கருத்து தெரிவிக்க மூவரும் மறுத்துவிட்டனர்.
