ரெமோ படத்தை தொடர்ந்து நடிகர் சிவகார்த்திகேயன், ‘தனி ஒருவன்’ ராஜா இயக்கும் வேலைக்காரன் படத்தில் நடித்து வருகிறார். சிவகார்த்திகேயன் ஜோடியாக நயன்தாரா நடிக்கும் இப்படத்தில் பிரபல மலையாள ஸ்டார் ஃபஹத் ஃபாசிலும் ஒரு முக்கிய கதாபாத்திரத்தில் நடிக்கவுள்ளார்.
மேலும் சினேகா, ஆர்.ஜே. பாலாஜி, சதீஷ், தம்பி இராமையா, பிரகாஷ் ராஜ் ஆகியோரும் இப்படத்தில் முக்கிய கதாபாத்திரங்களில் நடிக்கிறார்கள். அனிருத் இப்படத்துக்கு இசையமைக்கிறார். சிவகார்த்திகேயன் நண்பராக படம் முழுக்க வருகிறார் ரோபோ ஷங்கர்.
ஒரு காட்சியில் இவரும் சிவகார்த்திகேயனும் குடிகாரர்களுக்கு ஒரு சவால் விடுகிறார்கள். காலையில் டாஸ்மாக் திறந்தவுடன் யார் முதலில் சென்று சரக்கு வாங்குகிறார்களோ அவர்களுக்கு பத்து பாட்டில் இலவசம் என போட்டி வைக்கிறார்கள். இதுபோன்ற காட்சி ஒன்று படத்தில் இடம்பெறுகிறதாம். ஏற்கனவே சினிமாவில் குடியை ஆதரிப்பதாக பிரச்சனை வலுக்கிறது. தற்போது இதுப்போன்ற காட்சி வந்தால் நிச்சயம் சர்ச்சை உருவாகும்.
