சர்க்கரை நோயாளிகளுக்கு உகந்த முளைகட்டிய வெந்தய சுண்டல்

தேவையான பொருட்கள் :

முளைகட்டிய வெந்தயம் – ஒரு கப்,
காய்ந்த மிளகாய் – 2,
கடுகு, உளுத்தம்பருப்பு – தலா கால் டீஸ்பூன்,
கறிவேப்பிலை – சிறிதளவு,
பொடித்த வெல்லம் – 2 டேபிள்ஸ்பூன்,
தேங்காய் துருவல் – 2 டேபிள்ஸ்பூன்,
எண்ணெய், உப்பு  – தேவையான அளவு.

செய்முறை :

* முளைகட்டிய வெந்தயத்தை 15 நிமிடம் ஆவியில் வேக வைக்கவும்.

* வாணலியில் எண்ணெயை சூடாக்கி, கடுகு, உளுந்தம்பருப்பு, காய்ந்த மிளகாய், கறிவேப்பிலை போட்டு தாளித்த பின் வேக வைத்த முளைகட்டிய வெந்தயம், உப்பு சேர்த்துக் கிளறவும்.

* அடுத்து அதில் தேங்காய் துருவல், பொடித்த வெல்லம் தூவி இறக்கவும்.

* சர்க்கரை நோயாளிகளுக்கு ஏற்ற சுண்டல் இது.