இந்திய அணியின் தலைவரான விராட் கோஹ்லி மிகவும் ஆக்ரோஷமானவர் என்று இந்திய அணியைச் சேர்ந்த தமிழக சுழற்பந்து வீச்சாளர் ரவிச்சந்திரன் அஸ்வின் தெரிவித்துள்ளார்.
இந்திய அணிக்கு மூன்று வித போட்டிகளில் தலைவராக விளங்குபவர் கோஹ்லி. இவர் தலைமையிலான இந்திய அணி டெஸ்ட் தொடர்களை தொடர்ந்து வென்று அசத்தி வருகிறது. இவர் களத்தில் எப்போதும் ஆக்ரோஷமாக செயல் படுவது ரசிகர்கள் அனைவருக்கும் பிடித்துள்ளது.
இந்நிலையில் கோஹ்லி குறித்து சில சுவாரஸ்ய தகவல்களை இந்திய அணியின் சுழற்பந்து வீச்சாளர் அஸ்வின் பகிர்ந்துள்ளார்.
அதில், தோனியைப் பற்றி கூற வேண்டும் என்றால் மிகவும் பக்குவமானவர். கோஹ்லியை விட எப்போது தனித்துவமாக விளங்குபவர்.
ஆனால் கோஹ்லி மிகவும் ஆக்ரோசமானவர். சில நேரங்களில், என்னுடைய பவுலிங்கில் பீல்டர்களின் இடத்தை கூட மாற்ற பயப்படுவேன்.
ஒரு விஷயம் கோஹ்லியிடம் கவனித்தது, அவர் எதிரணி துடுப்பாட்டக்காரர்களுக்கு நெருக்கடி கொடுக்கும் அளவுக்கு தான் பீல்டிங் முடிவு செய்வார். அதனால் பந்து வீச்சாளர்களுக்கு வேலை குறைவு என்று தெரிவித்துள்ளார்.
