தினசரி நாம் குறைந்தது 8 மணி நேரமாவது தூங்க வேண்டும். என்றாவது ஒரு உடல் அசதி அல்லது உடல்நல குறைப்பாட்டின் காரணமாக அதிக நேரம் தூங்கலாம்.
ஆனால் அதையே பழக்கமாக கொண்டு 8 மணிநேரத்திற்கு அதிகமாக தூங்குவதால் உடல்நலனானது பாதிக்கப்படுகிறது.
அதிக தூக்கம் மட்டுமல்லாது 6மணி நேரத்திற்கு குறைவான தூக்கமும் உடல்நலத்தினை பாதிக்கும்.
தொடர்ந்து நாம் தூங்குவதால் உடலுக்கு கிடைக்க வேண்டிய ஆற்றலானது குறைவதால் இதயம், மூளை ஆகியவற்றின் செயல்பாடானது குறைகிறது.
மன அழுத்தம் உடையவர்கள் அதிக நேரம் தூங்குவதாக ஆய்வில் கண்டறியப்பட்டுள்ளது. சில நேரங்களில் இந்த அதிக தூக்கம் கூட மன அழுத்தத்தினை குறைக்க உதவுகிறது.
இரவில் நாம் தூங்குவதால் மூளைக்கு ஓய்வு கிடைத்து காலை வேளையில் புத்துணர்ச்சியடைகிறது. நாம் அதிக நேரம் தூங்குவதால் மூளை மழுங்கி அறிவாற்றலானது குறைகிறது. மிக குறைந்த நேரம் தூங்கினாலும் அது அல்சீமியர் என்னும் ஞாபகமறதி நோயினை உண்டாக்கும்.
10 மணி நேரங்களுக்கு மேலாக தூங்குபவர்களின் இதய செயல்பாடானது பாதிப்படைகிறது. இதனால் இதயம் தொடர்பான பிரச்சனைகள் அதிகம் ஏற்படுகின்றது.
தினசரி 9 மணி நேரத்திற்கு மேலாக தூங்குபவர்கள் 50 சதவீதம் நீரிழிவு நோயினால் பாதிப்படைவதற்கு அதிக வாய்ப்புகள் உள்ளது. இதே போன்று 5 மணி நேரத்திற்கும் குறைவாக தூங்குபவர்களும் பாதிக்கப்படுகின்றனர்.
சரியான அளவிலான தூக்கமானது உடல் சோர்வினை நீக்கி புத்துணர்ச்சியினை அளிக்க வல்லது. அளவுக்கு அதிகமான தூக்கமானது உடல் சோர்வு, வலி மற்றும் தலைவலியினை உண்டாக்கும்.
அதிக நேரம் தூங்கும் பெண்களுக்கு கருத்தரிப்பது குறைவு என ஆய்வில் கண்டறியப்பட்டுள்ளது. மாதவிடாய் சுழற்சி, ஹார்மோன்கள் சுரப்பதில் ஏற்படும் மாற்றமே இதற்கு காரணம்.
உடல் எடையினை அதிகரிப்பது நாம் எடுத்து கொள்ளும் உணவுகள் மற்றும் உடற்பயிற்சி இன்மை மட்டும் காரணமல்ல. 9 மணி நேரங்களுக்கு அதிகமாக தூங்குபவர்களின் உடல் எடையானது 21சதவீதம் அதிகரிக்கிறது.
எல்லாவற்றிற்கும் மேலாக அதிக தூக்கமானது இறப்பினை கூட ஏற்படுத்தும். தொடர்ந்து பல நாட்களாக அதிக நேரம் தூங்கவதை வழக்கமாக வைத்திருப்பவர்களின் ஆயுள் காலமானது குறையும்.
