நேபாளத்தை சேர்ந்த மலை ஏறும் வீராங்கனை லாக்பா ஷெர்பா (44). இவருக்கு 3 குழந்தைகள் உள்ளனர். மலை ஏறுவதில் இவருக்கு மிகுந்த ஆர்வம் இருந்தது.
ஒரு கால கட்டத்தில் எவரெஸ்ட் சிகரத்தில் ஏறி சாதனை படைக்க வேண்டும் என விரும்பினார். அவரது ஆசை 2000-ம் ஆண்டில் நிறைவேறியது. தனது முதல் குழந்தை பிறந்த 8 மாதங்களுக்கு பின் இச்சாதனையை நிகழ்த்தினார்.
அதன் பின்னர் அவரது மலை ஏறும் ஆர்வம் அதிகரித்தது. எனவே தொடர்ந்து எவரெஸ்ட் சிகரம் ஏறினார். 2-வது முறை எவரெஸ்ட் சிகரம் ஏறும் போது அவர் 2 மாத கர்ப்பிணி ஆக இருந்தார். அதன் பிறகு 2-வது குழந்தை பிறந்தது.
சமீபத்தில் 8-வது தடவையாக எவரெஸ்ட் சிகரம் ஏறி புதிய சாதனை படைத்தார். இதன் மூலம் அவரது சாதனையை அவரே முறியடித்துள்ளார்.
