சென்னை தி.நகரில் தீ விபத்தில் சிக்கியுள்ள சென்னை சில்க்ஸ் கட்டிடம் ஸ்திரத்தன்மையுடன் இல்லையென்றால் இடிக்கப்படும் என நிதியமைச்சர் ஜெயக்குமார் தெரிவித்துள்ளார்.
தி.நகரில் உள்ள சென்னை சில்க்ஸ் கட்டிடத்தில் காலை சுமார் 4.45 மணியளவில் தீப்பிடித்தது.
இதையடுத்து சம்பவ இடத்துக்கு வந்த தீயணைப்பு வீரர்கள் 13 மணிநேரத்துக்கும் மேலாக தீயை அணைக்கப் போராடி வருகின்றனர்.
இந்நிலையில் தீயணைக்கும் பணியை பார்வையிட்ட பின் அமைச்சர் ஜெயக்குமார் கூறியதாவது, தீ விபத்தால் கட்டிடத்தின் ஸ்திரத்தன்மை பாதிக்கப்பட்டிருக்கிறதா என்பது குறித்து பொதுப்பணித்துறை அதிகாரிகள் ஆய்வு நடத்துவார்கள்.
ஆய்வில் ஸ்திரத்தன்மை பாதிக்கப்பட்டிருப்பதாகத் தெரியவந்தால் கட்டிடம் இடிக்கப்படும்.
கட்டிடம் கட்டப்பட்டதில் விதிமுறைகள் மீறியிருப்பது தெரியவந்தால் கடுமையான நடவடிக்கை எடுக்கப்படும்.
எதிர்காலத்தில் இதுபோன்ற விபத்துக்கள் ஏற்படாமல் இருக்க கடுமையான நடவடிக்கைகள் எடுக்கப்படும்.
கட்டிட உரிமையாளர்களின் அலட்சியத்தால் இந்த விபத்து ஏற்பட்டிருக்கிறது. அதனால்தீயணைக்கும் பணிக்கான முழு செலவினையும் உரிமையாளர்கள்தான் ஏற்க வேண்டும் என்றும் கூறியுள்ளார்.
