பாரதிராஜா, விதார்த் நடிப்பில் உருவாகியிருக்கும் புதிய படம் ‘குரங்கு பொம்மை’. இப்படத்தை நித்திலன் என்பவர் இயக்கியுள்ளார். கதாநாயகியாக டெல்னா டேவிஸ் நடித்திருக்கிறார். பி.எல்.தேனப்பன், குமரவேல், கஞ்சா கருப்பு உள்ளிட்டோரும் முக்கிய கதாபாத்திரத்தில் நடித்துள்ளனர்.
இப்படத்தின் பர்ஸ்ட் லுக் போஸ்டரை மலையாள சூப்பர் ஸ்டார் மம்முட்டி வெளியிட்டிருந்தார். அதைத் தொடர்ந்து அனிமேஷன் போஸ்டரை விஜய் சேதுபதியும், டீசரை ஆர்யாவும் வெளியிட்டார்கள். சமீபத்தில் நடந்த இப்படத்தின் ஆடியோ வெளியிட்டில் இப்படத்தின் பாடல்களை இயக்குனர் இமயம் பாரதிராஜா வெளியிட்டிருந்தார்.
இதனைத் தொடர்ந்து நேற்று இயக்குனர் முருகதாஸ் தனது டுவிட்டர் பக்கத்தில் ‘குரங்கு பொம்மை’ படத்தின் டிரைலரை வெளியிட்டார். பர்ஸ்ட் லுக் போஸ்டர், அனிமேஷன் போஸ்டர், டீசர், பாடல்களை போலவே இப்படத்தின் டிரைலரும் ரசிகர்களிடையே ஏகோபித்த ஆதரவை பெற்றுள்ளது.
