சூப்பர் ஸ்டார் ரஜினிகாந்த் எப்படி அரசியலுக்கு வரப்போகிறார் என்று பேச்சுக்கள் அடிபடுகிறதோ, அதே போன்று நடிகர் விஜய்யும் அரசியலுக்கு வரப்போகிறார் என அவ்வப்போது ஆரூடங்கள் கிளம்புவதுண்டு.
சமீபத்தில் நிகழ்ச்சி ஒன்றில் பேசிய விஜய், ஒரு நாடு வல்லரசாவதை விட, விவசாயிகளைக் காக்கும் நல்லரசாக இருக்க வேண்டும் என கூறியது சமூக வலைத்தளங்களில் ஹாட் டாப்பிக்காக மாறியது.
இந்நிலையில், விரைவில் தேர்தல் அரசியலில் கால் பதிப்பதற்கான பணிகளை விஜய், தனது மக்கள் இயக்கத்தின் மூலம் தொடங்கியிருப்பதாக சொல்லப்படுகிறது.
அதன்படி, சமீபத்தில் மாவட்ட நிர்வாகிகள் ஒன்று கூடி ஆலோசனை நடத்தியதாகவும், உட்கட்டமைப்பை பலப்படுத்துவதற்கான பணிகள் நடந்து வருவதாகவும் கூறப்படுகிறது.
இதனால், விஜயின் 43-வது பிறந்தநாளான ஜூன் 22-ம் திகதி அரசியல் குறித்த அறிவிப்பு வருவதற்கான வாய்ப்பு அதிகம் எனவும் ரசிகர்கள் தரப்பில் சொல்லப்படுகிறது.
