நித்தேஷ் திவாரி இயக்கத்தில் அமீர் கான் நடிப்பில் கடந்த ஆண்டு டிசம்பர் மாதம் வெளியான படம் ‘தங்கல்’. இந்திய மக்களால் விரும்பி பார்க்கப்பட்ட ‘தங்கல்’ இந்தியாவில் மொத்தமாக ரூ.512 கோடியை வசூல் செய்தது. இந்தியாவில் கிடைத்த வரவேற்பை அடுத்து, கடந்த மாதம் டப் செய்யப்பட்டு சீனா மற்றும் தைவானில் ரிலீஸானது.
சீன மக்களால் விரும்பி பார்க்கப்பட்ட இப்படம், சீனாவில் மட்டும் சுமார் ரூ.1200 கோடிக்கு மேல் வசூலித்து சாதனை படைத்திருக்கிறது. மொத்தமாக உலகம் முழுவதும் ரூ.1993 கோடியை வசூல் செய்திருப்பதாக தகவல் வெளியாகி உள்ளது.
மேலும் இதற்கு முன்பு சீனாவில் திரையிடப்பட்ட அனைத்து இந்திய படங்களின் சாதனைகளையும் ‘தங்கல்’முறியடித்துள்ளது. சீனாவில் வெளியான ஹாலிவுட் அல்லாத படங்களில் ‘தங்கல்’ முதல் இடத்தை பிடித்திருக்கிறது.
`தங்கல்’ படத்திற்கு சீனாவில் கிடைத்த வரவேற்பை அடுத்து, ஹாங் காங் நாட்டிலும் படத்தை ரிலீஸ் செய்ய படக்குழு முடிவு செய்துள்ளது. அதன்படி வருகிற ஆகஸ்ட் 31-ஆம் தேதி படம் ஹாங் காங்கில் ரிலீஸ் செய்யப்பட உள்ளதாக கூறப்படுகிறது.
