முக்கியமான நேரத்தில் விக்கெட்டை இழந்தோம்: தோல்வி குறித்து கோலி கருத்து

வெஸ்ட்இண்டீசுக்கு எதிரான 4-வது ஒருநாள் போட்டியில் தோற்றது குறித்து இந்திய அணி கேப்டன் வீராட்கோலி கூறியதாவது:-

எங்களது பந்துவீச்சு சிறப்பாக இருந்தது. இதனால் வெஸ்ட்இண்டீசை 189 ரன்னுக்குள் கட்டுப்படுத்தி விட்டோம். ஆனால் பேட்டிங் தான் சரியாக அமையவில்லை. மிகவும் இக்கட்டான நேரத்தில் முக்கியமான விக்கெட்டுகளை இழந்துவிட்டோம். வெஸ்ட்இண்டீஸ் பந்துவீச்சும், பீல்டிங்கும் சிறப்பாக இருந்தது.

இந்திய பேட்ஸ்மேன்களுக்கு நெருக்கடி கொடுத்தனர். பாராட்டு எல்லாம் அவர்களை தான் சாரும். அடுத்தப்போட்டியில் புதிய புத்துணர்வுடன் விளையாடுவோம்

இவ்வாறு அவர் கூறினார்.

வெற்றி குறித்து வெஸ்ட் இண்டீஸ் கேப்டன் ஹோல்டர் கூறும்போது, இந்திய அணியை வெல்ல முடியும் என்ற நம்பிக்கை எங்களுக்கு இருந்தது. எங்களது பந்துவீச்சு நேர்த்தியாக இருந்தது. பீல்டிங்கும் சிறப்பாக அமைந்தது என்றார்.