இலங்கை -சிம்­பாப்வே அணி­க­ளுக்­கி­டை­யி­லான ஐந்­தா­வதும் கடை­சி­யு­மான ஒருநாள் போட்டி இன்று

இலங்கை -சிம்­பாப்வே அணி­க­ளுக்­கி­டை­யி­லான ஐந்­தா­வதும் கடை­சி­யு­மான ஒருநாள் போட்டி இன்று ஹம்­பாந்­தோட்டை சூரி­ய­வெவ கிரிக்கெட் அரங்கில் நடை­பெ­ற­வுள்­ளது.

இவ்­விரு அணி­களும் மோதும் ஐந்து போட்­டிகள் கொண்ட ஒருநாள் தொடரில் இது­வ­ரையில் நடை­பெற்­றுள்ள நான்கு போட்­டி­களில் இரு அணி­களும் தலா இரண்டு போட்­டிகள் வீதம் வெற்­றி­பெற்­றுள்­ளன.

அதனால் இன்று நடை­பெ­ற­வுள்ள கடைசி போட்டி இரு அணி­க­ளுக்கும் தீர்­மானம் மிக்க போட்­டி­யாக அமைந்துள்­ளது. இந்தப் போட்­டியில் வெற்­றி­பெறும் அணி தொடரை வெல்லும் நிலையில் இன்று இரு அணிகளும் கள­மி­றங்­கு­கின்­றன.

கடந்த சனிக்­கி­ழமை நடை­பெற்ற இலங்­கைக்கு எதி­ரான 4ஆ-வது ஒருநாள் கிரிக்கெட் போட்­டியில் சிம்­பாப்வே அணி 4 விக்­கெட்­டுக்கள் வித்­தி­யா­சத்தில் வெற்றி பெற்­றது.

இப்­போட்­டியில் நாணயச் சுழற்­சியில் வெற்­றி­பெற்ற இலங்கை அணி முதலில் துடுப்­பெ­டுத்­தாடத் தீர்­மா­னித்­தது.

கடந்த ஒருநாள் போட்­டியில் இலங்கை அணிக்கு வலு­வான தொடக்­கத்தை அமைத்துக் கொடுத்த திக்­வெல்­லவும், குண­தி­ல­கவும் இப் போட்­டி­யிலும் சிறப்­பான ஆட்­டத்தைத் தொடர்ந்­தனர். ஆரம்பத்­தி­லி­ருந்தே அடித்து ஆடிய அவர்கள் விக்­கெட்டை பறி­கொடுக்காமல் ஆடி சிம்­பாப்வே பந்து வீச்­சா­ளர்­க­ளுக்கு நெருக்­கடி கொடுத்­தனர்.

16.1 ஓவர்­களில் 100 ஓட்­டங்­களைக் கடந்த இந்த ஜோடி, விக்­கெட் இ­ழப்­பின்றி 33.4 ஓவர்­களில் 200 ஓட்­டங்­களைக் கடந்­தது. திக்­வெல்ல 99 பந்­து­களில் சதம் விளா­சினார்.

சிம்­பாப்வே அணிக்கு கடும் சவா­லாக விளங்­கிய இந்த ஜோடி 209 ஓட்­டங்கள் எடுந்­தி­ருந்த வேளையில் பிரிந்­தது. 101 பந்­து­களில் 87 ஓட்­டங்­களை சேர்த்த குண­தி­லக, வாலெரின் பந்தில் போல்ட் ஆகி ஆட்­ட­மி­ழந்தார். அவர் ஆட்­ட­மி­ழந்த சிறிது நேரத்­தி­லேயே திக்­வெல்­லவும் ஆட்­ட­மி­ழந்தார். 118 பந்­து­களில் 8 பவுண்டரி­க­ளுடன் திக்­வெல்ல 116 ஓட்­டங்­களை சேர்த்தார்.

இதனைத் தொடர்ந்து கடைசி நேரத்தில் வேக­மாக ஓட்­டங்­களைக் குவிக்கும் முயற்­சியில் இலங்கை வீரர்கள் ஈடு­பட்­டனர்.

மெத்­தியூஸ் 42, உபுல் தரங்க 22 ஓட்­டங்­களை பெற, இலங்கை அணி 50 ஓவர்­களில் 6 விக்­கெட்­டுக்­களை இழந்து 300 ஓட்­டங்­களை எடுத்­தது.

வெற்­றி­பெற 301 ஓட்­ட­ங்களை எடுக்­க­வேண்டும் என்ற நிலையில் ஆட­வந்த சிம்­பாப்வே அணியின் தொடக்க ஆட்­டக்­கா­ரர்கள் ஆரம்­பத்­தி­லி­ருந்தே ஆக்­ரோ­ஷ­மாக ஆடினர்.

இதனால் அந்த அணி 7.4 ஓவர்­க­ளி­லேயே 50 ஓட்­டங்­களைக் கடந்­தது. சிம்­பாப்வே அணியின் ஓட்ட எண்­ணிக்கை 67 ஆக இருந்­த­போது மச­கட்சா (28) ஆட்­ட­மி­ழந்தார்.

இதனைத் ­தொ­டர்ந்து மிர் 43, முச­கண்டா 30 ஓட்­டங்­களை சேர்த்து ஆட்­ட­மி­ழந்­தனர். சிம்­பாப்வே அணி 21 ஓவர்­களில் 3 விக்­கெட்­டுக்­களை இழந்து 139 ஓட்­டங்­களை எடுத்­தி­ருந்த நிலையில் மழை குறுக்­கிட்­டது.

மழையால் ஆட்டம் தடைப்­பட்­டதைத் தொடர்ந்து சிம்­பாப்வே அணி வெற்­றி­பெற 31 ஓவர்­களில் 219 ஓட்­டங்கள் எடுக்­க­வேண்டும் என்று டக்வோர்த் லூயிஸ் முறையில் இலக்கு நிர்­ண­யிக்­கப்­பட்­டது.

இந்த இலக்கை துரத்தும் முயற்­சியில் வில்­லியம்ஸ் 6 ஓட்­டங்­க­ளுடன் ஆட்­ட­மி­ழந்தார். அவரைத் தொடர்ந்து சிக்­கந்தர் ராசா (10) வெளி­யே­றினார். இருப்­பினும் கிரேக் இர்வின் பவுண்­ட­ரி­களும், சிக்­ச­ரு­மாக விளாசி இலங்கை அணிக்கு பயத்தை காட்­டினார். அவரை வீழ்த்த இலங்கை பந்­து­வீச்­சா­ளர்கள் பெரிதும் முயன்றனர்.

45 பந்துகளில் 50 ஓட்டங்க ளைக் கடந்த இர்வின், 55 பந்துகளில் 69 ஓட்டங்களைக் குவித்து கடைசிவரை களத்தில் இருந்தார். அவரது சிறப்பான துடுப்பாட்டத்தினால் சிம்பாப்வே அணி 29.2 ஓவர் களில் 6 விக் கெட்டுக்களை இழந்து 219 ஓட்டங்களைச் சேர்த்து வெற்றி பெற்றது.