அமெரிக்காவின் கலிபோர்னியா மாகாணத்தில் ஏற்பட்ட காட்டுத் தீயை அணைக்க தீயணைப்பு வீரர்கள் போராடி வருகின்றனர். கலிபோர்னியா மாகாணத்தில் உள்ள வனப்பகுதியில் ஏற்பட்ட காட்டு தீ மளமளவென பரவியது. தீயணைப்பு வீரர்கள் தீயை கட்டுக்குள் கொண்டு வர கடுமையாக போராடி வருகின்றனர். தீயை அணைக்க 3 ஹெலிகாப்டர்கள் பயன்படுத்தப்பட்டு வருகின்றன.
கொழுந்து விட்டு எரியும் காட்டுத் தியால் விண்ணை முட்டும் அளவிற்கு புகை எழுந்தது. வனத்தையொட்டி உள்ள பகுதியில் வசிப்பவர்கள் உடனடியாக அங்கிருந்து அப்புறப்படுத்தப்பட்டனர். கால்நடைகள் மற்றும் பிராணிகள் பாதுகாப்பான இடங்களுக்கு மாற்றப்பட்டன. காட்டுத் தீ ஏற்பட்ட காரணம் குறித்து அதிகாரிகள் விசாரணை மேற்கொண்டுள்ளனர். காட்டு தியால் காயமோ, உயிரிழப்போ ஏதும் இல்லையென கூறப்பட்டுள்ளது. மீட்பு பணிகள் தொடர்ந்து நடைபெற்று வருகின்றன.
