ராகியில் பல உணவுகள் செய்து சாப்பிடுவது வழக்கம். இது இது ஆண்டுதோறும் பயிரிடப்படும் தானியப் பயிராகும், இது எத்தியோப்பியா, இந்தியா மற்றும் இலங்கை போன்ற ஆப்பிரிக்கா மற்றும் ஆசியாவின் வெப்பமண்டலப் பகுதிகளில் பரவலாகக் காணப்படுகிறது.

ஏராளமான ஊட்டச்சத்துக்களால் நிரம்பிய ராகி, செரிமானத்தை மேம்படுத்துதல், இதய நோய் அபாயத்தைக் குறைத்தல், முதுமையைக் குறைத்தல் மற்றும் நீரிழிவு நோயைக் கட்டுப்படுத்துதல் போன்ற ஆரோக்கிய நன்மைகளை கொடுக்கிறது.

இதில் பல ஊட்டச்சத்துக்கள் காணப்படுகின்றன. கார்போஹைட்ரேட்டுகள், நார்ச்சத்துக்கள், கொழுப்புகள் மற்றும் புரதங்கள், முக்கிய நுண்ணூட்டச்சத்துக்கள் – வைட்டமின்கள் மற்றும் தாதுக்கள் – அனைத்து அத்தியாவசிய மேக்ரோனூட்ரியன்களையும் இது உள்ளடக்கியுள்ளது.

ஆனால் இதை குறிப்பிட்ட சிலர் சாப்பிட கூடாது அப்படி சாப்பிடால் அவர்களுக்கு பக்க விளவை உண்டாக்கும். அது பற்றிய முழு விபரத்தை இந்த பதிவில் பார்க்கலாம்.

கேழ்வரகு சாப்பிடுவதால் கிடைக்கும் நன்மைகள்
கேழ்வரகில் நார்ச்சத்து அதிகதாக காணப்படுகின்றது. பொதுவாக நாம் சாப்பிடும் அரிசியை விட இந்த ராகியில் கார்போஹைட்ரேட் குறைவாக உள்ளது. இது ரத்த சர்க்கரை அளவை குறைப்பதில் முக்கிய பங்கு வகிக்கிறது.

உடலில் இரும்பு சத்து குறைபாடு அதிகதாக இருப்பவர்கள் ரத்த சோகை பிரச்சனை இருப்பவர்கள் ராகியை எடுத்துக் கொண்டால் உடலில் ஹீமோகுளோபின் அளவு அதிகரிக்கும்.

இதில் அதிகளவு நார்ச்சதது இருப்பதால் நீண்ட நேரத்திற்கு பச்சி உணர்வை நிறுத்தி வைக்கும். இதனால் அதிகதாக சாப்பிடுவதை தடுத்து உடல் எடையை கட்டுப்படுத்தும்.

உடல் எடையை குறைக்க விரும்புபவர்கள் ராகியை உணவில் சேர்த்துக்கொள்வது சிறந்தது.

கேழ்வரகை யாரெல்லாம் சாப்பிடக்கூடாது?
பொதுவாக சிறுநீரக பிரச்சனை இருப்பவர்கள் கேழ்வரகை சாப்பிடக்கூடாது. மீறி இதை சாப்பிடும் போது சிறுநீரக பிரச்சனை அதிகரிகக்கும்.

இதற்கு காரணம் இதில் காணப்படும் அதிகளவான கால்சியம் தான். தைராய்டு பிரச்சனை உள்ளவர்களுக்கு கேழ்வரகு நல்லதல்ல.

கேழ்வரகை அளவுக்கு அதிகமாக சாப்பிட்டால் வயிற்றுப்போக்கு, வயிற்று வலி, மலச்சிக்கல் போன்ற பிரச்சனைகள் ஏற்படும் எனவே மிதமாக எடுத்துக் கொள்ள வேண்டும்.

தலைக்கு குளிப்பதற்கு எமது முன்னோர்கள் பல வரைமுறைகளை வைத்திருக்கிறார்கள்.

ஆண்களும் பெண்களும் வாரத்தில் இரு முறை தலைக்கு எண்ணெய் வைத்து குளிப்பதை பழக்கமாக வைத்திருக்கிறார்கள்.

இந்த பழக்கம் நாளடைவில் மாறி, தலைக்கு எண்ணெய் வைக்கும் பழக்கமே இல்லாமல் போயுள்ளது.

தினமும் தலைக்கு குளிக்கும் முன் குறைந்தது ஒரு மணி நேரமாவது தலைக்கு எண்ணெய் தேய்த்து மசாஜ் செய்து ஊற வைக்க வேண்டும்.

குளிக்கும் போது நேரடியாக ஷவரில் குளிப்பதை தவிர்க்க வேண்டும் என நிபுணர்கள் வலியுறுத்தியுள்ளனர்.

அந்த வகையில், குளிக்கும் பொழுது தவிர்க்க வேண்டிய விடயங்கள் என்னென்ன என்பதனை தொடர்ந்து பதிவில் பார்க்கலாம்.

குளிக்கும் பொழுது தவிர்க்க வேண்டிய விடயங்கள்

1. தலைக்கு ஷாம்பு போட்டு தேய்க்கும் மென்மையாக கையாள வேண்டும். சிலர் குளிக்கும் பொழுது சீக்கிரம் குளிக்க வேண்டும் என்று அவசரமாக தேய்ப்பார்கள். இது முடி உதிர்வை அதிகப்படுத்தும்.

2. பெரும்பாலானவர்களுக்கு தலைக்கு குளிக்கும் போது அதிக முறை ஷாம்பு பயன்படுத்தும் பழக்கம் உள்ளது. அதிகமான அழுக்குகள் தலையில் இருக்கும் பொழுது ஷாம்பு கொஞ்சம் அதிகம் பயன்படுத்தலாம். ஆனால் ஷாம்பு பயன்படுத்துவதால் தலைமுடி பாதிக்கப்படுவதுடன், வறட்சியும் ஏற்படும்.

3. இந்தியாவில் அதிகமான மக்கள் ஷாம்பு பயன்படுத்திய பின் ஹேர் கண்டிஷனர் பயன்படுத்துவதில்லை. தலைக்கு குளிக்கும் பொழுது ஷாம்பு எவ்வளவு அவசியமோ அவ்வளவு அவசியம் கண்டிஷனர். ஷாம்புவிற்கு பின் கண்டிஷனர் பயன்படுத்தும் பொழுது தலைமுடி உதிர்வு தடுக்கப்படுகின்றது.

4. சூடான நீரில் குளிப்பதை ஒரு சிலர் பழக்கமாக வைத்திருக்கிறார்கள். அந்த பழக்கத்தினால் நாளடைவில் அவர்களின் தலைமுடியை இழக்க வேண்டிய நிலை ஏற்படலாம். இதனால் தலையில் பொடுகு, மற்றும் அரிப்பு போன்ற பிரச்சனைகள் ஏற்படும்.

ஆண்களை விட பெண்களுக்கு எந்த வயதிலும் ஹார்மோன் சமநிலையின்மை ஏற்படலாம்.

பெண்களுக்கு ஏற்படும் ஹார்மோன்கள் சமநிலையின்மையை சில அறிகுறிகள் வைத்து கண்டறியலாம்.

இவற்றை முன்கூட்டியே கண்டறிவதால் அதனால் ஏற்படும் விளைவுகளை கட்டுக்குள் வைக்கலாம் என நிபுணர்கள் கூறுகிறார்கள்.

அந்த வகையில், ஹார்மோன் சமநிலையின்மையால் ஏற்படும் பிரச்சினைகள் குறித்து தொடர்ந்து பதிவில் பார்க்கலாம்.

ஹார்மோன் சமநிலையின்மை

1. பெண்களுக்கு ஹார்மோன் சமநிலையின்மை பத்து வயது முதல் ஆரம்பிக்கிறது. இதன் காரணமாக அவர்களுக்கு மனச்சோர்வு, அதிக தூக்கம், உடல் எடை கூடுவது, மன உளைச்சல், தூக்கமின்மை, ஒழுங்கற்ற மாதவிடாய், தாம்பத்ய வாழ்க்கையில் ஆர்வமின்மை போன்ற பிரச்சினைகள் ஏற்பட வாய்ப்பு உள்ளது.

2. சில பெண்களுக்கு மாதவிடாய் காலத்தில், சீரான ரத்தப்போக்கு இருக்காது. முதல் இரண்டு நாட்களிலேயே ரத்தப்போக்கு நின்று விடும். இன்னும் சிலருக்கு மாதவிடாய் காலம் முடிந்தும் ரத்த போக்கு இருக்கும்.

3. ஹார்மோன் சமநிலையின்மையால் அவஸ்தை அனுபவிக்கும் ஒருவர், திருமணத்திற்கு பின்னர் அதிகமாக பாதிக்கப்படுவார். உதாரணமாக கருத்தரிப்பதில் சிக்கல், கருவில் இருக்கும் சிசுவின் வளர்ச்சியில் குறைபாடு போன்ற பிரச்சனைகள் ஏற்படும்.

4. முப்பது வயது கடந்தவர்கள் உடல் பருமன் அதிகரிப்பினால் அவஸ்தைப்படுவார்கள். இதனை ஆரம்ப காலத்தில் கண்டறிந்து தகுந்த சிகிச்சை வழங்க வேண்டும்.

5. ஹார்மோன் குறைபாடு உள்ள பெண்கள் தைராய்டு நோயால் பாதிக்கப்படுவார்கள். இது ஹைபர் தைராய்டு (Hyper thyroidism) மற்றும் ஹைபோ தைராய்டு (Hypothyroidism) என இரண்டு வகையாக பிரிக்கப்படுகின்றது. இதனை பெண்கள் ஆரம்ப காலங்களில் கண்டறிந்து உரிய சிகிச்சையளிக்க வேண்டும்.

6. ஹார்மோன் குறைபாடு என்பது பரம்பரை நோயல்ல. இருந்தாலும் தைராய்டு போன்ற சில நோய்கள் குடும்பத்தில் ஒருவருக்கு இருந்தால் அது மற்றவர்களுக்கும் ஏற்பட வாய்ப்புள்ளது.

அந்தக் காலத்தில், நம்முடைய முன்னோர்கள் சமையலுக்கு மண் பாண்டங்களையும், இரும்பாலான பாத்திரங்களையுமே பிரதானமாக பயன்படுத்தினார்கள். அதன்பின் செம்பு, பித்தளை பாத்திரங்களையும் சமைக்க பயன்படுத்தினார்கள். அவையெல்லாம் காலப்போக்கில் மாறி தண்டவாளம், எவர்சில்வர், அலுமினியம் பயன்பாடுகள் புழக்கத்துக்கு வந்தது.

அதன் பிறகு எண்ணெய் ஒட்டாமல் இருக்கும் நான்ஸ்டிக் பாத்திரங்கள் வந்தது. தற்போது நான்ஸ்டிக் பாத்திரங்களுக்கு அடுத்தக்கட்டமாக செராமிக் (பீங்கான்) பாத்திரங்கள், டெஃப்லான் பாத்திரங்கள், மைக்ரோவேவ், ஏர் ஃப்ரையர் போன்றவை வந்துவிட்டது. இதில் என்ன மாதிரியான பாத்திரத்தில் சமைத்தால் என்ன மாதிரியான நன்மைகள் தீமைகள் நமக்கு கிடைக்கிறது என்று பார்க்கலாம்:

மண் பாண்டம்

மண்பாண்டத்தில் சமைப்பதால், வெப்பம் சீராக பாத்திரம் முழுவதும் பரவுகிறது. மேலும், நீண்ட நேரம் வெப்பத்தைத் தக்கவைத்துக்கொள்ளும் தன்மை மண்பாண்டங்களுக்கு இருப்பதால், உணவு சூடாகவே இருக்கும். அவ்வளவு சீக்கிரம் கெட்டுப் போகாது. பாத்திரம் முழுவதும் வெப்பம் மெதுவாகப் பரவுவதால், உணவில் உள்ள ஊட்டச்சத்துக்கள் அப்படியே நிலைத்திருக்கின்றன. இதுவே மண்பாண்டத்தில் சமைக்கப்படும் உணவு கூடுதல் சுவையுடன் இருப்பதற்கு முக்கியக் காரணம் ஆகும்.

பித்தளை

கடந்த காலங்களில் மக்கள் பெரும்பாலும் பித்தளை பாத்திரங்களில் உணவு சமைத்ததை நாம் பார்த்திருப்போம். பித்தளை பாத்திரங்களில் சமைத்து சாப்பிடுவதன் மூலம் ஆரோக்கியம் காக்கப்பட்டது. ஆனால், அதில் அதிக உப்பு அல்லது புளிப்பு சார்ந்த பொருட்களை சமைப்பது உணவில் விஷத்தை ஏற்படுத்தும் தன்மைக் கொண்டது. எனவே, நாளடைவில் பித்தளை பயன்பாடு குறைந்துவிட்டது.

தாமிரம்

தாமிரம் இரும்பை விட ஐந்து மடங்கு சிறந்தது மற்றும் ஸ்டெயின்லெஸ் ஸ்டீல் பாத்திரங்களைவிட இருபது மடங்கு சிறந்தது என்று பரவலாக அறியப்படுகிறது. சிறந்த வெப்ப கடத்துத்திறன் பண்புகள் இதில் உள்ளது. வெப்பநிலையை மிக எளிதாக கட்டுப்படுத்த முடியும் என்பதால் இது தீ பிடிக்கும் அபாயத்தையும் குறைக்கிறது. இதன் விளைவாக குறைந்த ஆற்றலுடன் சமைக்க முடியும். தாமிரப் பாத்திரங்கள் நன்றாக வெப்பமடைவதால், செப்புப் பானைகளில் தயாரிக்கப்படும் உணவுகள் நீண்ட நேரம் சூடாக இருக்கும்.

இரும்பு

இரும்பினால் செய்யப்பட்ட பாத்திரங்கள் இப்போது அரிதாகவே சமையலுக்குப் பயன்படுத்தப்படுகின்றன. ஆனால், இந்த உலோகப் பானையில் தயாரிக்கப்படும் உணவு ஒவ்வொரு வகையிலும் ஆரோக்கியத்திற்கு நன்மை பயக்கும்.

இந்தப் பாத்திரங்களில் சமைப்பது தானாகவே உணவில் உள்ள இரும்பின் அளவை அதிகரிக்கிறது மற்றும் உணவு அதன் முழு ஊட்டச்சத்தையும் பெறுகிறது. பொதுவாக. ஒவ்வொரு மனிதனுக்கும் இரும்பு சத்து தேவை. குறிப்பாக பெண்களின் உடலில் இரும்புச்சத்துக்கு நல்ல பங்கு உண்டு.

ஸ்டெய்ன்லெஸ் ஸ்டீல்

ஸ்டெய்ன்லெஸ் ஸ்டீல் பாத்திரங்களும் தற்போது பரவலாகப் பயன்படுத்தப்படுகின்றன. கார்பன், குரோமியம் மற்றும் நிக்கல் ஆகியவற்றை இரும்பில் கலப்பதன் மூலம் உருவாகும் கலப்பு உலோகமே ஸ்டீலாகும். இதில் சமைப்பதில் ஆரோக்கியத்திற்கு எந்த தீங்கும் இல்லை. இந்த பாத்திரங்களின் வெப்பநிலை மிக விரைவாக உயர்கிறது.

அலுமினிய பாத்திரங்கள்

அலுமினிய பாத்திரங்கள் இன்று அதிகம் பயன்படுத்தப்படுகின்றன. உண்மையில், அலுமினியத்தில் உள்ள மூலக்கூறுகள் வெப்பத்தைப் பெற்றவுடன் விரைவில் செயல்படுத்தப்படுகின்றன. அதனால்தான் பெரும்பாலான உணவுகள் அலுமினிய பாத்திரங்களில் தயாரிக்கப்படுகின்றன. ஆனால், நினைவில் கொள்ள வேண்டிய விஷயம் என்னவென்றால், இது மிக விரைவில் அமிலத்துடன் ரசாயன எதிர்வினைகளைக் காட்டத் தொடங்குகிறது. எனவே, அதில் புளிப்பு அல்லது அசிடிக் காய்கறிகளை பயன்படுத்தக் கூடாது.

நான் ஸ்டிக்

நான் ஸ்டிக் என்றால் எதையும் ஒட்டாத ஒரு பாத்திரம். அத்தகைய பாத்திரங்களில் சமைக்க அதிக நெய் அல்லது எண்ணெய் தேவையில்லை. ஆனால், உணவைத் தயாரிக்கும்போது இந்தப் பாத்திரங்களில் அதிக கீறல்கள் இருந்தால் அது ஆரோக்கியத்திற்கு மிகவும் தீங்கு விளைவிக்கும்.

செராமிக்

பீங்கான் பாத்திரங்கள் உலோகங்கள் அல்லது நச்சு ரசாயனங்கள் ஆகியவை இன்றி, பாதுகாப்பான சுகாதாரமான கனிம பொருட்களிலிருந்து தயாரிக்கப்படுகிறது. இதனால், இவை உடலுக்கு தீங்கு விளைவிப்பதில்லை. மேலும், பீங்கான் சமையல் பாத்திரங்கள் மெதுவாக வெப்பமடைகின்றன, ஆனால் வெப்பத்தை நன்கு தக்கவைத்துக் கொள்ளும் தன்மையுடையது. இதனால், உணவுகளை நீண்ட நேரம் சூடாக வைத்திருக்கின்றது.

டெஃப்லான்

டெஃப்லான் பூச்சு கொண்ட நான்-ஸ்டிக் பாத்திரங்களை (pan) 170 டிகிரி செல்சியஸுக்கு மேல் சூடாக்கினால் ஆபத்தான விளைவை ஏற்படுத்தும் என்று ஆய்வுகள் தெரிவிக்கின்றன. மேலும், ஸ்டவ் மீது நீண்ட நேரம் காலியாக வைத்து சூடாக்கினாலும் ஆபத்தான விளைவு ஏற்படுத்தும். காலியாக வைத்து சூடுபடுத்தும் போது, நான்-ஸ்டிக் பாத்திரத்தில் இருக்கும் டெஃப்லான் லேயர், நச்சுப் புகைகளை உருவாக்கும். இந்த சமையல் பாத்திரங்களில் நான்ஸ்டிக் பூச்சு சேதமடைந்து விட்டால், அதைப் பயன்படுத்தக் கூடாது.

மைக்ரோவேவ்

மைக்ரோவேவ் அவனில் மிகக் குறுகிய காலத்தில் சமைப்பதால், அதிக நேர வெப்பத்தால் அழிக்கப்படும் வைட்டமின் சி மற்றும் பிற கூறுகளும் பாதுகாக்கப்படுகின்றன. இது புரதங்கள், லிப்பிடுகள், வைட்டமின்கள், தாதுக்கள் ஆகியவற்றில் குறைவான விளைவை ஏற்படுத்தும். இருந்தாலும், மைக்ரோவேவில் உணவை நீண்ட நேரம் சூடாக்கினால், அதில் ‘ அக்ரிலாமைடு’ (acrylamide) என்ற வேதிப்பொருள் உருவாகும்.

இது புற்றுநோய்க்கு வழிவகுக்கும். எனவே, நீண்ட நேர சமையலை தவிர்க்க வேண்டும். மைக்ரோவேவில் சமைக்கும் போது, பாதுகாப்பான கண்ணாடி அல்லது பீங்கான் பாத்திரங்களை பயன்படுத்துவது நல்லது. பிளாஸ்டிக் கொள்கலன்கள் பயன்படுத்தக் கூடாது. ஏனென்றால், மைக்ரோவேவில் இருந்து வரும் வெப்பம் பிளாஸ்டிக்கில் உள்ள நச்சு பாலிமர் (polymer) துகள்களை உடைக்கும். இந்த பாலிமர் துகள்கள் உணவுடன் கலக்கின்றன. இதன் காரணமாக சர்க்கரை நோய், ரத்த அழுத்த பிரச்னைகள் தோன்றும். இது ஆஸ்துமா அல்லது கருவுறுதல் தொடர்பான பிரச்னைகளையும் ஏற்படுத்தும்.

ஏர் – ஃப்ரையர்

மைக்ரோவேவ் அவன்களில் உணவு சமைக்கப்படுவதைப் போல, ஏர் ஃப்ரையரில் சூடான காற்றைக் கொண்டு உணவு சமைக்கப்படுகிறது. டீப் ஃப்ரை செய்யப்பட்ட உணவுகளில் கொழுப்பு மற்றும் கலோரிகள் அதிகமாக உள்ளன, அத்தகைய உணவுகளை ஏர் ஃப்ரையரில் சமைக்கும் போது இதில் எண்ணெய் சத்து மிக மிகக் குறைவாக இருப்பதால் அதிக அளவிலான கலோரி உட்கொள்ளலைக் குறைக்க உதவுகிறது. அதே சமயம், சரியான கால அளவில் சமைக்காமல் நீண்ட நேரம் சமைத்தால், அக்ரிலாமைடு’ (acrylamide) என்ற வேதிப்பொருள் வெளியாகி உணவை ஆபத்தானதாக மாற்றிவிடும் வாய்ப்பு உண்டு.