அமெரிக்காவில் நடைபெற்ற அதிபர் தேர்தலில், ஆளும் ஜனநாயக கட்சி வேட்பாளர் ஹிலாரியே வெற்றி பெறுவார் என்று பரவலாக பேசப்பட்ட நிலையில், கருத்துக்கணிப்புகளை பொய்யாக்கி குடியரசு கட்சி வேட்பாளர் டொனால்டு டிரம்ப் வெற்றி பெற்று அதிபராக தேர்வு செய்யப்பட்டுள்ளார். அவருக்கு வாழ்த்துக்கள் குவிந்தவண்ணம் உள்ளன.

அதேசமயம், அதிருப்தியாளர்கள் தங்கள் எதிர்ப்பினை வெளிக்காட்ட தொடங்கி உள்ளனர். குறிப்பாக கலிபோர்னியா மாகாணத்தில் லாஸ் ஏஞ்சல்ஸ் உள்ளிட்ட பல்வேறு பகுதிகளில் ஆர்ப்பாட்டம் நடத்தி வருகின்றனர்.

டிரம்ப் வெற்றி உரை நிகழ்த்திய சிறிது நேரத்தில், கலிபோர்னியா சான்டா பார்பரா பல்கலைக்கழகம் அருகில், எதிர்ப்பு கோஷமிட்டபடி ஆர்ப்பாட்டத்தில் ஈடுபட்டனர். அப்போது, ‘என்னுடைய ஜனாதிபதி இல்லை, என்னுடைய ஜனாதிபதி இல்லை’ என்று முழக்கமிட்டதால் அப்பகுதியில் பரபரப்பு ஏற்பட்டது.

கலிபோர்னியா லாஸ் ஏஞ்சல்ஸ் பல்கலைக்கழகத்தைச் சேர்ந்த நூற்றுக்கணக்கான மாணவர்கள் வெஸ்ட்வுட் வளாகத்தில் ஆர்ப்பாட்டத்தில் ஈடுபட்டனர். அமைதியான முறையில் ஆர்ப்பாட்டம் நடப்பதாகவும், எந்தவித அசம்பாவித சம்பவமும் நடக்கவில்லை எனவும்  தகவல்கள் தெரிவிக்கின்றன. ஆக்லாந்தில் நடந்த போராட்டம் காரணமாக விரைவு படகு போக்குவரத்து நிறுத்தப்பட்டுள்ளது.

அதேசமயம் டிரம்பின் ஆதரவாளர்கள் ஆங்காங்கே திரண்டு வெற்றியை கொண்டாடி வருகின்றனர். அவர்கள் டிரம்பை வாழ்த்தி கோஷமிட்டபடி ஊர்வலமாக சென்றனர்.

அமெரிக்கத் தேர்தல் நாளான நவம்பர் 8ஆம் திகதிக்கு முதல்நாள் வரை அமெரிக்கா மட்டுமல்ல ஒட்டுமொத்த உலகமும் சற்று ஹிலாரி பக்கமே சாய்ந்து இருந்தது.

முதல் பெண் அதிப‌ரை வரவேற்க அமெரிக்கா தயாராகிவிட்டது என்று தான் அனைவரும் நினைத்திருந்தனர்.

ஆனால், அமெரிக்கர்கள் தங்கள் மனநிலை வேறு என்று நிரூபித்துள்ளனர்.

ஒரு வியாபாரி, ரியல் எஸ்டேட் அதிபர், மீம்ஸ் நாயகன் என்பதையெல்லாம் தாண்டி டொனால்ட் ஜான் ட்ரம்ப் அமெரிக்க அதிபராகியுள்ளார்.

ஆம் இது தான் அமெரிக்காவின் மனநிலை. அவர்களுக்கு ட்ரம்ப் போன்றவர்களை தான் பிடித்திருக்கிறது.

ஆரம்பம் முதலே மூன்று விஷயங்களில் தான் ட்ரம்ப் கவனம் செலுத்தினார்.

அவை வெற்றி , ஒப்பந்தம் , சுவர் எழுப்புவது. இதைத்தான் ட்ரம்ப் முன்னிறுத்தி வந்தார்.

இதற்கிடையில் தான் ஜான் ஆலிவரின் தொலைக்காட்சி நிகழ்ச்சி ட்ரம்பின் அஸ்திவாரத்தை அசைத்துப் பார்த்தது.

பெண்களைப் பற்றி இழிவாகப் பேசினார் என்ற விஷயமும், இஸ்லாமியர்களை வெளியேற்றுவேன் என்கிற சூளுரையும் ட்ரம்ப்பை கிட்டத்தட்ட அமெரிக்க அதிபர் தேர்தலில் தோற்க வைக்கும் என்கிற மாயையை அனைவரிடமும் உருவாக்கின.

ட்ரம்ப் தன் மீதான விமர்சனங்களைத் தனக்குச் சாதகமாக மாற்ற என்ன செய்தார் என்பது தான் க்ளைமேக்ஸ். ட்ரம்ப் தனது நிலைப்பாடுகளை எந்த விமர்சனத்துக்காகவும் மாற்றிக் கொள்ளவில்லை.

இது தான் ட்ரம்ப் ஆதரவாளர்களுக்குமே அவரை பிடிக்க முக்கியக் காரணமானது. எப்போதும் அமெரிக்கர்களின் மனநிலை கொஞ்சம் அழுத்தமானதாகவே இருக்கும்.

அதுதான் அவர்களை உலக அரங்கில் வல்லரசு என்கிற பெயரையும் வாங்கிக் கொடுத்திருக்கிறது. அதனால் எப்போதும் அவர்களுக்கு விடாப்பிடியாக இருப்பவர்களைப் பிடிக்கும்.

அதோடு வரலாற்றை மாற்றி எழுதவும் விரும்பாத நாடாக இருந்து வந்துள்ளது அமெரிக்கா.

ஒரு பெண்ணை அதிபராக்கிப் பார்க்கக்கூடாது என்பதில் அமெரிக்கர்கள் இன்று வரை ஆணித்தரமாக இருக்கிறார்கள். அதன் விளைவே இத்தனை ஆண்டுகளில் ஒரு பெண் அமெரிக்க அதிபர் ஆகவில்லை.

இதோடு சேர்த்து ட்ரம்பை பலப்படுத்திய விஷயங்கள் வேறு. பேச்சுத்திறன் அவரது உத்திகளில் ஒன்று. பயப்படாத, தடையற்ற கம்பீரமான பேச்சு அவருக்கு.

அதிலும் அமெரிக்காவின் முன்னேற்றத்தை வலியுறுத்தும் அவரின் திடமான ஆரம்பகால பிரசார உரைகள் அமெரிக்கர்களைப் பெரிதும் கவர்ந்தது.

ட்ரம்பின் வெற்றிக்கு இன்னொரு காரணம், அவரது பிராண்ட் இமேஜ். தன்னைப் பற்றிய தாக்கத்தை மக்கள் மத்தியிலும், அவருக்கு அதிக ஆதரவுள்ள மாகாணங்களிலும் குறையாமல் பார்த்துக் கொண்டார்.

அதேபோல் அவர் வலியுறுத்திய விஷயத்தைப் பின்பற்றவும் செய்தார். சில இலக்குகளை எப்படியாவது அடைவது என்று நினைத்து விட்டால், அந்த இலக்குகளைப் பெரிதாக வைத்துக்கொள்ளுங்கள் என்றார்.

மற்ற நாடுகளின் கலாச்சாரமும், அமெரிக்க கலாச்சாரமும் வேறு. இந்தியர்களுக்குச் சரியில்லை என்று தோன்றுவது அமெரிக்கர்களுக்குச் சரியாகத் தோன்றலாம்.

இதனையே தனக்கு சாதகமாகப் பயன்படுத்திக்கொண்டார் ட்ரம்ப். அமெரிக்கர்களை ஊக்குவிக்கும் விதமாக பிரசாரம் செய்த ட்ரம்ப் தனது ஆதரவை தக்க வைத்துக்கொண்டார்.

வித்தியாசமான அமெரிக்கர்களின் மனநிலை

ஒருவருக்குச் சத்தமாக இருப்பது இன்னொருவருக்கு இசையாக இருக்கும் என்பது தான் கூற்று. மற்ற நாட்டினரும் ட்ரம்ப் ஒரு வியாபாரி, உளறு வாயர் எனப் பல விமர்சனங்களை வைத்தாலும் அமெரிக்கர்களில் ஒரு பெரும் பிரிவினருக்கு ட்ரம்ப்பை மிகவும் பிடித்து இருக்கிறது.

அமெரிக்கா முதலாளித்துவ நாடு என்ற பிம்பத்திலிருந்து தன்னை விலக்கி கொள்ள விரும்பாத நாடு. ட்ரம்ப் போன்ற வியாபாரிகளை அமெரிக்கா தள்ளி வைக்காது என்பதை அமெரிக்கா நிருபித்துள்ளது.

அதோடு இதுவரை இருந்த அமெரிக்க அதிபர்கள் காலத்தில் மிகப்பெரிய போர்களை அமெரிக்கா நடத்தியுள்ளது. மற்ற நாடுகளிடத்தில் பெரியண்ணன் மனப்பான்மையையும் கடைபிடித்து வந்திருக்கிறது.

அதனைப் புதிதாக வருகிற ஒரு பெண்ணால் செய்ய முடியாது என்ற எண்ணமும், இறுதி நேரத்தில் ஹிலரியின் மீது வீசப்பட்டது.

அதே நேரத்தில் பதிலளிக்க முடியாத சில குற்றச்சாட்டுகளும், ஹிலரியின் உடல் நிலையும் ட்ரம்புக்குச் சாதகமாக அமைந்தது.

என்னதான் ஆரம்பத்தில் வாக்குக்காக உலக நாடுகளை விமர்சித்தாலும், இறுதியில் இந்தியா, மோடி, அமைதி, வேலைவாய்ப்பு என ட்ரம்ப் அடித்த சிக்ஸர்கள் அவருக்கு வாக்குகளானது என்றும் கூறலாம்.

ஒபாமா காலத்தில் அமெரிக்கா பெரிதாக வளரவில்லை. மீண்டும் ஜனநாயக கட்சிக்கு ஏன் வாய்ப்பு வழங்க வேண்டும் என்றும் அமெரிக்கர்கள் நினைத்திருக்கலாம்.

அதனால் தான் அமெரிக்கர்கள் ”மேக் அமெரிக்கா க்ரேட் எகெய்ன் ” என்பதை நம்பி இருப்பார்கள். ஆனால், உங்கள் மேடை பேச்சு அல்ல அமெரிக்க அதிபர் பதவி.

வியாபாரத்தில் நஷ்டம் வந்தால் சரி செய்துவிடலாம். உங்களை வியாபாரியாக இல்லாமல் அதிபராகவே பார்க்கதான் உலக நாடுகள் எதிர்பார்க்கின்றன.

எதிர்பார்ப்புகளுக்கு ஏற்ப சிறந்த அமெரிக்காவை உருவாக்க வாழ்த்துக்கள் மிஸ்டர் ட்ரம்ப்…

அமெரிக்காவின் 45வது அதிபராக தேர்ந்தெடுக்கப்பட்ட டொனால்ட் ட்ரம்ப் பற்றி கொஞ்சம் தெரிந்து கொள்ளுங்கள்.

கடந்த 1946ஆம் ஆண்டு ஜுன் 14ம் திகதி நியூயார்க் நகரத்தில் ஒரு பெரிய வர்த்தகப் புள்ளிக்கு மகனாக பிறந்தவர்.

டொனால்ட் ட்ரம்ப்

அரசியல் வாசனை இன்றி வளர்க்கப்பட்ட டொனால்ட் ட்ரம்ப் நியூயார்க் சிட்டியில் உள்ள பென்சில்வேனியா பல்கலைக்கழகத்தில் பொருளாதாரத்திற்கான இளங்கலை பட்டப்படிப்பை 1968ஆம் ஆண்டு படித்து முடித்தார்.

இதனைத் தொடர்ந்து அவரது தந்தையின் ரியல் எஸ்டேட் தொழிலை டொனால்ட் ட்ரம்ப் கவனிக்கத் தொடங்கினார்.

அந்தத் தொழிலில் ட்ரம்ப் பெரிய அளவில் வளர்ந்ததோடு, தொலைக்காட்சி நிகழ்ச்சிகளை தயாரிக்கும் பணியிலும் ஈடுபட்டார்.

70 வயதான ட்ரம்ப் 1987ஆம் ஆண்டில் குடியரசுக் கட்சியில் தன்னை இணைத்துக் கொண்டார்.

என்றாலும் 1999ஆம் ஆண்டு அதில் இருந்து வெளியேறினார். பின்னர், 2009ஆம் ஆண்டில் மீண்டும் குடியரசுக் கட்சியில் இணைந்து 2011ஆம் ஆண்டு வரை அதில் நீடித்தார்.

கடந்த 1987ஆம் ஆண்டிற்கு முன்னர் ஜனநாயகக் கட்சியிலும் டொனால்ட் ட்ரம்ப் இணைந்து பணியாற்றியுள்ளார்.

இதனிடையே 1999 முதல் 2001 வரை சீர்திருத்தக் கட்சியிலும் இணைந்து ட்ரம்ப் பணியாற்றியுள்ளார்.

இந்த நிலையில்தான், 2012ஆம் ஆண்டு குடியரசுக் கட்சியில் மீண்டும் சேர்ந்த ட்ரம்பிற்கு 2015ஆம் ஆண்டு குடியரசுக் கட்சியின் அதிபர் வேட்பாளராக போட்டியிடும் வாய்ப்பு கிடைத்தது.

அதனைத் தொடர்ந்து தேர்தல் களத்தில் ஜனநாயகக்கட்சியின் ஹிலாரி கிளிண்டனைத் தோற்கடித்து இன்று 45ஆவது அதிபராக அமெரிக்காவில் தேர்ந்தெடுக்கப்பட்டுள்ளார் டொனால்ட் ட்ரம்ப்.

அமெரிக்க அதிபராக இரண்டு முறை பதவி வகித்து வரும் பராக் ஒபாமா விரைவில் ஓய்வு பெறவுள் ளார். புதிய அதிபரை தேர்ந்தெடுப் பதற்கான தேர்தல் நேற்று நடந்து முடிந்துள்ளது. இந்நிலையில் ஒபாமாவின் செல்வாக்கு முன் எப்போதும் இல்லாத அளவுக்கு புதிய உச்சத்தை தொட்டிருப்பதாக சமீபத்திய கருத்து கணிப்பில் தெரியவந்துள்ளது.

கடந்த திங்கள்கிழமை நடத்தப் பட்ட இந்த கருத்துக் கணிப்பில் ஒபாமாவுக்கு சுமார் 56 சதவீதம் பேர் ஆதரவு தெரிவித்துள்ளதாக கூறப்பட்டுள்ளது. இரண்டு முறை அதிபர் பதவி வகித்து வரும் ஒரு வருக்கு இந்த அளவுக்கு ஆதரவு கிடைத்திருப்பது மிகவும் அரிது. 2012-ல் இரண்டாவது முறையாக அவர் அதிபர் பதவியில் போட்டி யிட்ட போது கூட இந்த அளவுக்கு ஆதரவு கிடைக்கவில்லை.

ஒபாமாவுடன் ஏர் போர்ஸ் ஒன் விமானத்தில் பயணித்து வரும் வெள்ளை மாளிகை ஊடக செய லாளர் ஜோஷ் இயர்னெஸ்ட் கூறும் போது, ‘‘உணர்ச்சிவயப்பட்டு இந்தத் தேர்தலில் எந்த முடிவுக்கும் வரக்கூடாது என மக்களிடம் வலியுறுத்தியதால் தான் அவருக்கு ஆதரவு அதிகரித்தது’’ என்றார்.

இந்தத் தேர்தலுக்காக 10 நாட்கள் சூறாவளி சுற்றுப்பயணம் மேற்கொண்டு 17 பிரச்சாரக் கூட்டங்களில் ஒபாமா பங்கேற்றார் என்பது குறிப்பிடத்தக்கது.

அமெரிக்க அதிபர் தேர்தலில் குடியரசு கட்சி வேட்பாளரான டொனால்டு டிரம்ப் அதிக வாக்குகளுடன் வெற்றி பெற்றார்.

இந்நிலையில், ஹிலாரி கிளிண்டன் தனது பேஸ்புக் பக்கத்தில் “இந்த குழுவை நினைத்து நான் மிகவும் பெருமையடைகிறேன். இன்று இரவு எது நடந்தாலும் எனக்காக செயற்பட்ட அனைவருக்கும் எனது நன்றிகள்” என கலக்கமான நிலையில் ஒரு பதிவை இட்டுள்ளார்.